दारू तस्करीप्रकरणी सराईत प्रदीप पाटीलसह पाच अटक

कोल्हापूर : गोवा बनावटीच्या दारू तस्करप्रकरणी गेले दोन वर्ष पोलिसांसह राज्य उत्पादन शुल्क विभागाला गुंगारा देणारा सराईत गुन्हेगार प्रदीप अर्जुन पाटील (रा. माटवाडी, ता. सावंतवाडी, जि. सिंधुदुर्ग) याच्यासह त्याच्या चार साथीदारांना अटक केली. पुणे-बंगळुरू महामार्गावर किणी टोल नाका (ता. हातकणंगले) येथे बुधवारी पहाटे राज्य उत्पादन शुल्क इचलकरंजीचे भरारी पथक व किणी टोलनाका स्टाफने सापळा रचून ही कारवाई केली. कारवाईत सुमारे ३ लाख ८४ हजारांच्या रोकडसह आलिशान मोटार, नऊ तोळे सोन्याचे दागिने, विदेशी दारूचे दोन बॉक्स, मोबाइल असा एकूण १८ लाख ८४ हजार २३० रुपयांचा मुद्देमाल जप्त केला.

अटक केलेले संंशयित असे : मुख्य सूत्रधार प्रदीप पाटील याच्यासह प्रकाश अर्जुन पाटील (वय ४९, रा. मोटेवाडी, ता. सावंतवाडी), अजय सूर्यकांत कवठणकर (२३ रा. आटवण, ता. सावंतवाडी), रोहित दत्ता साळगावकर (२५), मंदार दत्ता साळगावकर (२९, दोघेही रा. कोणगाव, ता. सावंतवाडी, जि. सिंधुदुर्ग).

गोवा बनावटीच्या दारू तस्करीप्रकरणी फरारी असलेला प्रदीप पाटील हा संशयित आरोपी कागल ते पुणे असा महामार्गावरून मोटारीतून प्रवास करत असल्याची माहिती भरारी पथकास मिळाली. त्यानुसार भरारी पथकाने किणी टोल नाका येथे सापळा रचून त्याला पकडले. त्याच्यासोबत चार साथीदारांनाही अटक केली. त्यांच्या मोटारीतून बेकायदेशीरपणे गोवा बनावटीच्या दारूचे दोन बॉक्स आढळले. त्यांच्या ताब्यातून ३ लाख ८४ हजार ६३० रुपये, आठ मोबाइल संच, त्यांच्या अंगावरील ९ तोळे सोन्याचे दागिने, मोटार असा मुद्देमाल जप्त केला. पाचही संशयितांना पुढील कारवाईसाठी मुंबईच्या राज्य उत्पादन शुल्क भरारी पथकाच्या ताब्यात दिले. ही कारवाई राज्य उत्पादन शुल्क विभागाचे उपअधीक्षक तथा इचलकरंजीचे निरीक्षक पी. आर. पाटील, हातकणंगले भरारी पथकाचे निरीक्षक संभाजी बरगे, राजन साळोखे, आर. के. गुरव, अभिनंदन कांबळे, अतुल पाटील, प्रकाश पाटील, बी. एल. पाटील, रणजित यवलूजे, विलास पवार, सुभाष कोले आदींनी केली.

लाखाचे बक्षीस जाहीर

या धाडसी कारवाईबाबत भरारी पथकास राज्य उत्पादन शुल्क विभाग, मुंबईचे आयुक्तांनी सुमारे एक लाखाचे बक्षीस जाहीर केले.

दोन वर्षे फरारी

अटक केलेला संशयित आरोपी प्रदीप पाटील हा गोवा बनावटीच्या दारू तस्करीप्रकरणी गेले दोन वर्षे आजरा, चंदगड पोलिसांसह राज्य उत्पादन शुल्क विभाग मुंबई व सिंधुदुर्ग विभागाला गुंगारा देत होता. बुधवारी त्याला पकडले.

फोटो नं. १६०६२०२१-कोल-प्रदीप पाटील (आरोपी-एक्साईज)

फोटो नं. १६०६२०२१-कोल-प्रकाश पाटील (आरोपी-एक्साईज)

फोटो नं. १६०६२०२१-कोल-अजय कवठणकर (आरोपी-एक्साईज)

फोटो नं. १६०६२०२१-कोल-रोहित साळगावकर (आरोपी-एक्साईज)

फोटो नं. १६०६२०२१-कोल-मंदार साळगावकर (आरोपी-एक्साईज)

फोटो नं. १६०६२०२१-कोल-एक्साईज कोल्हापूर०१

ओळ : राज्य उत्पादन शुल्क विभाागच्या भरारी पथकाने किणी टोल नाका येथे पकडलेले गोवा बनावटीच्या दारू तस्करातील संशयित आरोपी.

===Photopath===

160621\16kol_8_16062021_5.jpg

===Caption===

फोटो नं. १६०६२०२१-कोल-प्रदीप पाटील (आरोपी-एक्साईज)फोटो नं. १६०६२०२१-कोल-प्रकाश पाटील (आरोपी-एक्साईज)फोटो नं. १६०६२०२१-कोल-अजय कवठणकर (आरोपी-एक्साईज)फोटो नं. १६०६२०२१-कोल-रोहीत साळगावकर (आरोपी-एक्साईज)फोटो नं. १६०६२०२१-कोल-मंदार साळगावकर (आरोपी-एक्साईज)फोटो नं. १६०६२०२१-कोल-एक्साईज कोल्हापूर०१ओळ : राज्य उत्पादन शुल्क विभाागच्या भरारी पथकाने किणी टोल नाका येथे पकडलेले गोवा बनावटीच्या दारु तस्करातील संशयीत आरोपी.