उत्रे येथे शिक्षकाविरोधात गुन्हा दाखल

उत्रे (ता. पन्हाळा) येथे रस्त्याच्या वादातून शिक्षक संजय पाटील व त्यांच्या कुटुंबीयांनी भावकीतील अजित बाबासो पाटील व त्याच्या वडिलांना मारहाण केली. याबाबतची तक्रार पन्हाळा पोलीस ठाण्यात नोंद झाली. अजित बाबूराव पाटील याचे स्वमालकीच्या शेतातून गट क्रमांक १३३ मधून जाणाऱ्या वाटेबाबत तेथील ग्रामपंचायत व संजय पाटील यांच्यात गेल्या काही दिवसांपासून वाद सुरू आहे. वादाचे रूपांतर मारामारीत होऊन हा वाद विकोपास गेला. अजित व त्याचे वडील यांना काठी व फरशीने मारहाण केल्याने संजय, त्याची दोन मुले शुभम, सूरज, त्याचे वडील बळिराम व रितेश बळिराम पाटील यांनी मारहाण करून जखमी केल्याने पन्हाळा पोलिसांत गुन्हा नोंद झाला आहे. अधिक तपास पोलीस उपनिरीक्षक सुर्वे करत आहेत.