corona virus : शाहूवाडी, आजरा, कागलसह सात तालुके कोरोनामुक्तीकडे

By लोकमत न्यूज नेटवर्क | Published: October 5, 2020 01:52 PM2020-10-05T13:52:26+5:302020-10-05T14:03:28+5:30

Corona virus, rurualarea corona free, kolhapurnews कोल्हापूर जिल्ह्यातील आजरा, चंदगड, कागल, पन्हाळा, राधानगरी, शाहूवाडी, गगनबावडा या सात तालुक्यांतून कोरोना हद्दपार होण्याच्या मार्गावर आहे. रुग्णवाढीचा आलेख खाली सरकताना दिसत असून, कोरोनामुक्त रुग्णांची संख्याही समाधानकारकपणे वाढत आहे. जिल्ह्यात गेल्या २४ तासांत २९६ नवीन रुग्णांची नोंद झाली; तर १३ बाधित रुग्णांचा मृत्यू झाला.

Corona virus: Seven talukas including Shahuwadi, Ajra, Kagal towards corona free | corona virus : शाहूवाडी, आजरा, कागलसह सात तालुके कोरोनामुक्तीकडे

corona virus : शाहूवाडी, आजरा, कागलसह सात तालुके कोरोनामुक्तीकडे

Next
ठळक मुद्देशाहूवाडी, आजरा, कागलसह सात तालुके कोरोनामुक्तीकडे

कोल्हापूर : जिल्ह्यातील आजरा, चंदगड, कागल, पन्हाळा, राधानगरी, शाहूवाडी, गगनबावडा या सात तालुक्यांतून कोरोना हद्दपार होण्याच्या मार्गावर आहे. रुग्णवाढीचा आलेख खाली सरकताना दिसत असून, कोरोनामुक्त रुग्णांची संख्याही समाधानकारकपणे वाढत आहे. जिल्ह्यात गेल्या २४ तासांत २९६ नवीन रुग्णांची नोंद झाली; तर १३ बाधित रुग्णांचा मृत्यू झाला.

कोल्हापूर शहर, करवीर आणि हातकणंगले या दोन तालुक्यांतच कोरोनाचे नवीन रुग्ण आढळून येत आहेत. मात्र तेथील रुग्णवाढीचे प्रमाणही नियंत्रणात आहे. शनिवारी कोल्हापूर शहरात ८०, करवीर तालुक्यात ४७, हातकणंगले तालुक्यात तर भुदरगड तालुक्यात १० नवीन रुग्णांची नोंद झाली.

शनिवारी नोंद झालेल्या नवीन २९६ रुग्णांमुळे जिल्ह्यातील एकूण रुग्णसंख्या आता ४५ हजार ३५५ झाली आहे, तर मृत्यू होणाऱ्यांची संख्या १४७९ वर गेली आहे. जिल्ह्याच्या दृष्टीने चिंतेची बाब बनलेला रुग्णांच्या मृत्यूचे प्रमाणही आता खाली आले आहे.

रोज ३० ते ३५ रुग्ण दगावले जात होते. तेही प्रमाण आता १२ ते १५ पर्यंत खाली आले आहे. त्यामुळे मृत्यूच्या बाबतीतही दिलासादायक चित्र आहे. दुसरी महत्त्वाची बाब अशी की, शनिवारी ३६२ रुग्ण कोरोनामुक्त झाले.

मृतांत १० पुरुष, तर तीन महिला

कोल्हापुरात गेल्या चोवीस तासात उपचार घेणारे १३ रुग्ण कोरोनामुळे मयत झाले. त्यामध्ये १० पुरुष तर तीन महिला रुग्ण आहेत. शिरोळ तालुक्यातील शिरोळ शहर, धरणगुत्ती, मजरेवाडी, हातकणंगले तालुक्यातील अंबप व गंगापूर, इचलकरंजी शहरातील विक्रमनगर, गडहिंग्लज शहर व मुंगुरवाडी, कोल्हापूर शहरातील जुना बुधवार पेठ येथील रुग्णांचा मृत्यू झालेल्यांमध्ये समावेश आहे. त्याचबरोबर बेळगाव, सांगली व सावंतवाडी येथील रुग्णांचा कोल्हापुरात मृत्यू झाला.

उपचारांतील गोंधळ संपला

नवीन रुग्णांची संख्या घटत असल्याने तसेच कोरोनामुक्त रुग्णांची संख्या वाढत असल्याने जिल्ह्यातील सर्वच रुग्णालये, कोविड केअर सेंटर्स, ग्रामीण रुग्णालयांतील खाटा हळूहळू रिकाम्या होऊ लागल्या आहेत. रुग्णालयांत दाखल असलेल्या सर्वच रुग्णांवर नीट उपचार होत असून जुलै, ऑगस्ट व सप्टेंबरमध्ये निर्माण झालेला गोंधळही आता संपला आहे. आरोग्य यंत्रणेवरील भार मोठ्या प्रमाणात कमी झाला आहे.

तपासण्यांची संख्या रोडावली

नवीन रुग्णांची संख्या कमी होईल तशी संशयित व्यक्तींच्या तपासण्याही कमी होत आहेत. मागच्या २४ तासांत ९६८ आरटीपीसीआर चाचण्यांचे अहवाल सीपीआर रुग्णालयाकडे प्राप्त झाले. त्यांपैकी ७८१ जणांचे अहवाल निगेटिव्ह, तर १८१ जणांचे अहवाल पॉझिटिव्ह आले. २८५ ॲन्टिजेन चाचण्यांपैकी २६० व्यक्तींचे अहवाल निगेटिव्ह, तर २५ व्यक्तींचे अहवाल पॉझिटिव्ह आले. खासगी लॅब व रुग्णालयात ३०७ व्यक्तींच्या चाचण्या झाल्या. त्यांपैकी ९० व्यक्तींना कोरोना झाल्याचे स्पष्ट झाले.

आतापर्यंतची तालुकानिहाय रुग्णसंख्या अशी -

  • आजरा - ७९८,
  • भुदरगड - ११२५,
  • चंदगड -१०५३,
  • गडहिंग्लज - १२९१,
  • गगनबावडा - १३०,
  • हातकणंगले - ४९७१,
  • कागल - १५५६,
  • करवीर - ५२५७,
  • पन्हाळा - १७५१,
  • राधानगरी - ११७९,
  • शाहूवाडी - १२१५,
  • शिरोळ - २३५१
  • नगरपालिका हद्द - ६९७१,
  • कोल्हापूर शहर - १३७३२
  • इतर जिल्हा - १९७५.
  • एकूण रुग्णसंख्या - ४५ हजार ३५५
  • कोरोनामुक्त रुग्णसंख्या - ३५ हजार २२६
  • आतापर्यंत मृत रुग्ण - १४७९
  •  उपचार घेत असलेले रुग्ण - ८६५०

Web Title: Corona virus: Seven talukas including Shahuwadi, Ajra, Kagal towards corona free

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.