कोरोनाने पुन्हा चिंता वाढवली : १७७४ नवे रुग्ण तर ४६ मृत्यू

कोल्हापूर : कडक लॉकडाऊन शिथील होत असल्याचा आनंद असतानाच रविवारी सायंकाळी कोरोनाने पुन्हा एकदा कोल्हापूरकरांची चिंता वाढवली. तब्बल १७७४ जण पॉझिटिव्ह आढळले असून ४६ जणांचा मृत्यू झाला आहे. त्यात ४ इतर जिल्ह्यातील असले तरी ४२ जण कोल्हापूर जिल्ह्यातील आहेत हे अधिक भयावह आहे. रुग्ण संख्येतही कोल्हापूर शहराने पुन्हा आघाडी घेतली असून आकडा ३४० झाला आहे. त्यापाठोपाठ करवीर २५३, हातकणंगलेत २१९ असे सर्वाधिक रुग्ण आढळले आहेत.

जिल्ह्यात कोरोना संसर्गाचा विस्फोट झाल्यानेच आठ दिवसांपूर्वी लॉकडाऊन कडक करण्यात आला होता. तो आज सोमवारपासून शिथील होणार आहे. तत्पूर्वी पूर्वसंध्येला आकडा पुन्हा वाढल्याने यंत्रणाही हादरली आहे. शनिवारी १५७४ जण बाधित आढळले होते, रविवारी यात एकदम २०० ने वाढ झाली आहे. मृत्यूही ३४ झाले होते, त्यातही आणखी १२ ची भर पडल्याने चिंता वाढवली आहे. वाढलेल्या संख्येमुळे उपचार घेणाऱ्यांची संख्या १३ हजार ५२८ वर गेली आहे. ही रुग्णसंख्या वाढत असताना कोरोनामुक्त झालेल्यांची संख्याही १४६३ झाल्याने थोडासा दिलासा मिळाला आहे.

चौकट

रविवारी संध्याकाळी पाचपर्यंत तपासलेल्या स्वॅबमध्ये बाधित आढळलेल्या १७७४ पैकी १६० रुग्ण हे परजिल्ह्यातील आहेत. तर मृत्यूमध्ये ४२ रुग्ण हे कोल्हापूर जिल्ह्यातील आहेत, त्यातही तब्बल १० मृत्यू हे एकट्या इचलकरंजी शहरातील आहेत. हातकणंगलेतील ७ आहेत.

चौकट

तालुक्याचा विचार करता तब्बल १७ मृत्यू हे एकट्या हातकणंगले तालुक्यातील आहेत. हातकणंगले रुग्णसंख्याही जिल्ह्यातील तिसऱ्या क्रमांकावर आहे.

चौकट

जिल्ह्यात या ठिकाणी झाले कोरोनाचे मृत्यू

कोल्हापूर शहर मृत्यू : ५

शिवाजी पार्क, रंकाळा, शिवाजी पेठ, टेंबलाईवाडी, घोरपडे गल्ली शाहूपुरी

तालुकानिहाय मृत्यू

हातकणंगले : ०७ हुपरी, पुलाची शिरोेली, खोतवाडी, कबनूर, लक्ष्मीनगर, रांंगोळी, हुपरी,

भूदरगड : ०३ ममदापूर, मडीलगे, नाधवडे,

गडहिंग्लज : ०४ गोदकर गल्ली गडहिग्लज, शेन्द्री, मुगळी, निलजी,

करवीर : ०५ फुलेवाडी, वडणगे, मोरेवाडी, उचगाव, वरणगे पाडळी,

इचलकरंजी : १० जवाहरनगर, फुले सोसायटी शहापूर, विक्रमनगर, पोवार मळा, गणेशनगर, यशवंती कॉलनी, आंबेडकर नगर, संजय लॉन्ड्री, इचलकरंची नदीवेस, वेताळपेठ,

आजरा : ०१ लाकूडवाडी,

चंदगड : ०३ तुडये, तडशीनहाळ, उसाळी

कागल : ०१ कागल,

पन्हाळा : ०१ भाचरवाडी,