कोल्हापूर :शिवसेना पक्षप्रमुख उद्धव ठाकरे म्हणाले, विरोधकांमध्ये आता कोणी शिल्लक राहिले नाही. जागा वाटपवारुन त्यांच्यामध्ये वाद सुरू आहे. गिरीश महाजन दिसले की, विरोधकांना धडकी भरते. काँग्रेस-राष्ट्रवादी आघाडीची अवस्था पंक्चर असलेल्या टायर सारखी झाली आहे. आम्ही मांडलेले प्रश्न मुख्यमंत्र्यांनी मार्गी लावले आहेत, असे प्रतिपादन शिवसेना पक्षप्रमुख उद्धव ठाकरे यांनी रविवारी येथे केले.
तर निवडणूक कशाला लढवितापाकिस्तानात खेळाडू पंतप्रधान झाला, इकडे पंतप्रधानांची स्वप्न पाहणारा क्रिकेट बोर्डावर. सरकार जर तुमच्या सल्ल्याने चालत असेल, तर निवडणूक कशाला लढविता, अशा शब्दांत शिवसेना पक्षप्रमुख ठाकरे यांनी राष्ट्रवादीचे नेते शरद पवार यांच्यावर नाव न घेता टीका केली.
नरेंद्र पाटील यांचा सेनेत प्रवेशमाथाडी कामगार नेते नरेंद्र पाटील यांनी शिवसेनेमध्ये प्रवेश केला. त्यावर माथाडी नेत्याला खासदार बनविणार असल्याचे शिवसेना पक्षप्रमुख ठाकरे यांनी यावेळी सांगितले.