तुमच्या ‘उद्या’ला आजच भेटण्याची संधी

‘लोकमत अ‍ॅस्पायर एज्युकेशन फेअर’ : कोल्हापूर, सांगलीत प्रदर्शनाचे आयोजन

कोल्हापूर : युवकांच्या करिअरविषयक अनेक प्रश्नांसाठी अचूक उत्तर असलेले ‘लोकमत अ‍ॅस्पायर एज्युकेशन फेअर’ हे शैक्षणिक प्रदर्शन दि. १३ ते १५ जूनदरम्यान कोल्हापूरमध्ये आणि सांगली येथे १७ व १८ जून रोजी होणार आहे. प्रदर्शनात नामांकित शैक्षणिक संस्थांची इत्थंभूत माहिती एकाच छताखाली उपलब्ध होणार आहे. शिवाय विद्यार्थी, विद्यार्थिनींना त्यांच्या करिअरच्या ‘उद्या’ला आजच भेटण्याची संधी या प्रदर्शनाच्या माध्यमातून मिळणार आहे.
जून महिना सुरू झाला की, आपल्या पाल्याने कोणता कोर्स करावा, दर्जेदार शिक्षण देणारी संस्था कोणती, सर्व शैक्षणिक संस्थांची माहिती घेण्यासाठी किती फिरावे लागणार, वर्षाला किती शुल्क भरावे लागणार, अनुदान मिळणार काय, असे अनेक प्रश्न पालकांसमोर उभे राहतात. ते लक्षात घेऊन ‘लोकमत’ समूहाने ‘अ‍ॅस्पायर एज्युकेशन फेअर’ हे शैक्षणिक प्रदर्शन आयोजित केले आहे.
कोल्हापूरमध्ये १३ ते १५ जून या कालावधीत राजारामपुरीतील डॉ. व्ही. टी. पाटील स्मृतिभवनात, तसेच सांगलीमध्ये १७ व १८ जून रोजी मिरज रोडवरील कच्छी समाजभवनात हे प्रदर्शन होईल. पालक आणि विद्यार्थी यांच्या मनात करिअरसाठीच्या, शिक्षणाविषयीच्या अनेक शंका, प्रश्न असतात. त्या शंकांचे निराकरण आणि प्रश्नांना अचूक उत्तरे या प्रदर्शनात मिळतील. शैक्षणिक क्षेत्रातील तज्ज्ञ यावेळी मार्गदर्शन करणार आहेत. एकाच ठिकाणी शैक्षणिक माहितीचा खजिना उपलब्ध होणार असल्याने पालक आणि विद्यार्थ्यांचा वेळ आणि पैसा वाचणार आहे. व्यवसायवाढीसाठी हे प्रदर्शन म्हणजे सुवर्णसंधी ठरणार आहे. कारण, एकाच छताखाली हजारो विद्यार्र्थी व पालकांपर्यंत आपल्या शैक्षणिक संस्थेची माहिती पोहोचविता येणार आहे. प्रत्येकाशी वैयक्तिकरीत्या संवाद साधून आपल्या उपक्रमाची माहिती देता येईल. त्यामुळे प्रदर्शनातील स्टॉल नोंदणीसाठी राहुल गजबर (९९२२९४४००१) आणि राजू घाटगे (९८५०३०४१७५) यांच्याशी संपर्क साधावा. (प्रतिनिधी)


विविध शैक्षणिक
संस्थांचा सहभाग
मेडिकल, इंजिनिअरिंग, आर्किटेक्चरपासून फॅशन, ग्राफिक्स, इंटिरिअर डिझाईनपर्यंत व रिटेल, आयटीआय, एव्हिएशन तसेच मीडिया, अ‍ॅनिमेशन, गेमिंगपर्यंत तसेच विविध विद्यापीठे, प्रोफेशनल क्लासेस, आयटीआय, हॉटेल मॅनेजमेंट, फॉरिन लँग्वेजेस, पॉलिटेक्निकल, स्पोकन इंग्लिश, लॉ कॉलेज, हॉस्पिटॅलिटी मॅनेजमेंट, कॅपिटल मार्केट या क्षेत्रांतील नामांकित शैक्षणिक संस्था, महाविद्यालये प्रदर्शनात सहभागी होणार आहेत.