लोकमत न्यूज नेटवर्क
कोल्हापूर : कनिष्ठ महाविद्यालयीन शिक्षक आता मराठी मातृभाषा समृद्ध करण्यासाठी राज्यभर प्रयत्न करणार असून विश्वमराठी भाषा दिनाचे औचित्य साधून राज्यभर जागर करणार आहेत. यासाठी स्थापन करण्यात आलेल्या मराठी विषय शिक्षक महासंघाच्या कार्यकारिणीत कोल्हापूर येथील मेन राजाराम हायस्कूल आणि कनिष्ठ महाविद्यालयाचे प्रा. बाबासाहेब माळवे यांची नियुक्ती करण्यात आली असून त्यांच्याकडे कोल्हापूर जिल्ह्याध्यक्ष म्हणून जबाबदारी सोपविण्यात आली आहे.
राज्य महासंघाचे अध्यक्ष प्रा. सुनील डिसले असून राज्य सचिव म्हणून प्रा. बाळासाहेब माने यांच्या नेतृत्वाखाली हा गट कार्यरत राहणार आहे. कोल्हापूर जिल्ह्याची कार्यकारिणीही यावेळी जाहीर करण्यात आली असून मराठी मातृभाषा म्हणून आणखी समृद्ध व संपन्न करण्यासाठी काम करण्याचा या संघटनेचा हेतू आहे.
कोल्हापूर जिल्हा कार्यकारिणी : बाबासाहेब माळवे (अध्यक्ष), एच.व्ही. पुजारी, पुंडलिक रक्ताडे (उपाध्यक्ष), बी.डी. डवंग (सचिव), डॉ. सर्जेराव पाटील (खजिनदार), नानासाहेब जामदार (विशेष निमंत्रित), मीरा माने आणि चंद्रशेखर कांबळे (सदस्य), जयवंती पाडळकर (कोल्हापूर शहर), विनायक चव्हाण (आजरा), पवनकुमार पाटील (करवीर), चंद्रकांत खोत (कागल), सुरेखा खोत (गडहिंग्लज), कुंडलिक जाधव (गगनबावडा), नेमिनाथ पाटील (भुदरगड), शामराव पाटील (राधानगरी), सचिन पाटील (चंदगड), युवराज पाटील (पन्हाळा), एकता जाधव (हातकणंगले), उत्तम पोवार (शाहूवाडी), माणिकराव पाटील (शिरोळ).
(२७०१२०२१ कोल बाबासाहेब माळवे)
(संदीप आडनाईक)