मिरज : मिरज-कोल्हापूररेल्वे मार्गावर जयसिंगपूर रेल्वे स्थानकात विद्युत इंटरलॉकिंग कामासाठी आज, शनिवारी, (दि.१८) मिरज-कोल्हापूर दरम्यान पॅसेंजर रेल्वे गाड्या रद्द करण्यात आल्या आहेत. या सर्व गाड्या रद्द मिरजेतून दुपारी २ वाजून ३५ मिनिटांनी सुटणारी मिरज-कोल्हापूर, कोल्हापुरातून सायंकाळी पाच वाजता सुटणारी कोल्हापूर-सातारा, मिरजेतून सायंकाळी पाच वाजून पाच मिनिटांनी सुटणारी मिरज-कोल्हापूर, कोल्हापूर येथून रात्री ९ वाजून ३० मिनिटांनी सुटणारी कोल्हापूर-मिरज, रात्री ८ वाजून २० मिनिटांनी सांगली येथून मिरजेला येणारी सांगली-मिरज, कोल्हापूर येथून सायंकाळी ६ वाजून ४० मिनिटांनी सुटणारी कोल्हापूर-सांगली व मिरजेतून रात्री ९ वाजून ५५ मिनिटांनी सुटणारी मिरज-कोल्हापूर पॅसेंजर या सर्व गाड्या रद्द करण्यात आल्या आहेत. पुणे-कोल्हापूर पॅसेंजर शनिवारी पुणे ते मिरजपर्यंत धावणार आहे. ही गाडी मिरज-कोल्हापूर दरम्यान रद्द करण्यात आली आहे. कोल्हापूर-पुणे पॅसेंजर मिरजेतून पुण्याला रवाना होईल. सर्व पॅसेंजर रेल्वे गाड्या रद्द झाल्याने प्रवाशांची गैरसोय होणार आहे.
मिरज-कोल्हापूर दरम्यान आज सर्व पॅसेंजर रेल्वे रद्द, प्रवाशांची गैरसोय होणार
By ऑनलाइन लोकमत | Updated: March 18, 2023 13:03 IST