कोल्हापूर : शिवाजी विद्यापीठाची सिनेट सभा सुरू असताना अखिल भारतीय विद्यार्थी परिषदेचे कार्यकर्ते प्रवेशद्वारासमोर सर्व संलग्न महाविद्यालयातील विद्यार्थ्यांकडून ज्युबली फंड फी आकारली जाण्याच्या विरोधात आंदोलन करत असताना शिवाजी विद्यापीठ गार्ड आणि पोलिस प्रशासनाकडून मारहाण करण्यात आली. कार्यकर्ते सकाळपासून दरवाजासमोर धरणे धरून बसले होते. यासंदर्भातील निवेदन त्यांनी कुलगुरू आणि कुलसचिव यांच्याकडे दिले होते. दुपारी १.३० वाजण्याच्या सुमारास कार्यकर्त्यांना घोषणाबाजी केली असताना अचानक विद्यापीठाचे गार्ड आणि पोलिस कर्मचाऱ्यांनी कार्यकर्त्यांना मारहाण केली. संघटनेचा तीव्र निषेध केला आहे. दरम्यान, या घटनेचे पडसाद सिनेट बैठकीत उमटले. व्यवस्थापन समितीचे सदस्य अमित कुलकर्णी, रतन कांबळे आणि श्रीनिवास गायकवाड यांनी निषेध करून कारवाईची मागणी केली. त्यावर कुलसचिव डॉ. व्ही. एन. शिंदे यांनी बाहेर जाऊन निवेदन स्वीकारले. सिनेट सभेत त्यांनी या प्रकाराची चौकशी करून संबंधितांवर कारवाई करण्याचे आदेश दिले आहेत. प्रभारी कुलगुरू यांनी यासंदर्भात सभागृहात कारवाई करण्यासंदर्भात सदस्यांना आश्वासन दिले.
Web Summary : ABVP activists protesting jubilee fund fees at Shivaji University were allegedly assaulted by university guards and police. The incident sparked outrage, leading to demands for investigation and action during a senate meeting. University assured action.
Web Summary : शिवाजी विश्वविद्यालय में जुबली फंड फीस का विरोध कर रहे एबीवीपी कार्यकर्ताओं पर विश्वविद्यालय के गार्डों और पुलिस ने कथित तौर पर हमला किया। इस घटना से आक्रोश फैल गया, जिसके बाद सीनेट की बैठक में जांच और कार्रवाई की मांग की गई। विश्वविद्यालय ने कार्रवाई का आश्वासन दिया।