माणकोली पुलामुळे होणाऱ्या वाहतूक कोंडीवरून मनसे शिवसेनेत ट्विटरवर कुरघोड्या

माणकोली पुलामुळे होणाऱ्या वाहतूक कोंडीवरून मनसे शिवसेनेत ट्विटरवर कुरघोड्या सुरू आहेत. 

डोंबिवली: माणकोली पुलाचे ८० टक्के काम पूर्ण झाले असून आगामी काळात तो प्रकल्प पूर्णत्वास गेल्यानंतर डोंबिवली ते मुंबई प्रवास सुसाट होणार असला तरी त्या पुलामुळे डोंबिवलीसह मोठागाव परिसरात होणाऱ्या वाहतूक कोंडीचे काय असा सवाल मनसे आमदार राजू पाटील यांनी ट्विटर द्वारे करून शिंदे गटाच्या शिवसेनेला चिमटा काढला.

त्यामुळे बुधवारी सकाळपासूनच राजकीय वर्तुळात त्या ट्विटची चर्चा सुरू होती. ते ट्विट मध्ये म्हणाले की २०१६ पासून हा मार्ग तयार होणार असल्याची बतावणी केली जात आहे, प्रत्यक्षात हा पूल झाला तरी मोठागाव रेल्वे उड्डाणपूल आणि त्याला जोडणारे रुंद रस्ते होणे गरजेचे आहेत असा टोला लगावला. त्याची दखल घेत शिवसेनेचे माजी नगरसेवक दीपेश म्हात्रे यांनीही तातडीने आमदार पाटील यांच्या ट्विटला पाटील यांना टॅग करत काळजी नसावी... असे म्हणत प्रतिउत्तर देत म्हंटले।की, निश्चितच पलावा येथील जंक्शनच्या ठिकाणी होत असलेली वाहतूक कोंडी मोठागाव येथे होणार नाही. 

मोठागाव ते मानकोली पुलाचे २०१६ साली भुमीपूजन झाले होते. आत्तापर्यंत ८४% काम पूर्ण होऊन डोंबिवलीकरांचा प्रवास सुसाट होणार असल्याची बतावणी केली जात आहे.परंतु डोंबिवलीतून या पुलाकडे पोहचण्यासाठी रेल्वेवर पुल व रुंद रस्ते तयार करणे गरजेचे आहेत. ते कधी होतील ? @mieknathshinde#MMRDApic.twitter.com/LD0LmrLifz

— Raju Patil ( प्रमोद (राजू) रतन पाटील ) (@rajupatilmanase) February 22, 2023

@rajupatilmanase काळजी नसावी मोठागाव ते कोपर रेल्वे स्टेशन रस्त्यासाठी १८ कोटी रुपये मंजूर (वर्क ऑर्डर झालेली आहे) मोठागाव रेल्वे फाटक वरील पूलाला रेल्वेची मान्यता मिळालेली आहे (रेल्वे वरील भागाची वर्क ऑर्डर सुद्धा झालेली आहे). रिंग रोड टप्पा क्रमांक 3 मोठागाव ते दुर्गाडी किल्ला https://t.co/gnSN71XADPpic.twitter.com/uXVJEXreMP

— Dipesh Pundlik Mhatre (@Dipesh99Mhatre) February 22, 2023

त्यासाठी मोठा गाव ते कोपर रेल्वे स्टेशन येथे रेल्वे फाटकाच्या जागी उड्डाणपूल करण्यासाठी १८ कोटी रुपयांच्या निधीला मंजुरी मिळाली आहे. त्याला रेल्वेची मान्यता देखील।मिळालेली असून रेल्वे वरील भागाची वर्क ऑर्डर देखील झालेली आहे, तसेच रिंग रोड टप्पा क्रमांक ३ या माध्यमातून मोठा गाव ते दुर्गाडी किल्ला निविदा प्रकिया देखील सुरू झाली असल्याचे म्हंटले आहे. एकूणच काय तर या दोन्ही परपसर विरोधी ट्विटरवरील कुरघोड्यांनी शहरातील अन्य राजकीय नेते, कार्यकर्त्यांना माणकोली विषयावर काथ्याकूट करायला वेळ, विषय मिळाल्याची चर्चा रंगली होती.