क्या बात है; डोंबिवलीतील 103 वर्षांच्या अजीबाईंनी घेतली कोरोनाची लस

कोरोनाची लस घेण्याबाबत अजूनही काही लोकांमध्ये मतमतांतरे असताना  डोंबिवलीत राहणाऱ्या 103 वर्षांच्या अजीबाईंनी कोरोनाची लस घेतली.

कल्याण:  कोरोना संकटाशी दोन हात करण्यासाठी लसीकरण हे अत्यंत महत्वाचे आहे असे तज्ञांनी सांगितले आहे. मात्र काही नागरिक अजूनही लस घेण्याबाबत संभ्रमामध्ये असल्याचे दिसून येते. कोरोनाशी लढा देण्यासाठी अपंग बांधवही पूढे येऊन लस घेत आहे. डोंबिवलीमधील 103 वर्षांच्या आजीबाईंनी सुद्धा कोविड लस घेतली आहे. 

कोरोनाची लस घेण्याबाबत अजूनही काही लोकांमध्ये मतमतांतरे असताना  डोंबिवलीत राहणाऱ्या 103 वर्षांच्या अजीबाईंनी कोरोनाची लस घेतली. कृष्णाबाई महाजन असे या आजींचे नाव असून त्यांनी डोंबिवली येथील केडीएमसीच्या पाटकर लसीकरण केंद्रावर ही लस घेतल्याची माहिती त्यांचे पणतू जयेश अग्निहोत्री यांनी दिली आहे .त्यामुळे अद्यापही कोरोनाची लस घेण्यासाठी साशंक असणाऱ्या लोकांसाठी या 103 वर्षांच्या अजीबाईंनी लस घेत एकप्रकारे सकारात्मक संदेश दिला आहे.