अमेरिकेच्या न्यूयॉर्कमध्ये एका टिकटॉक यूजरने त्याची हैराण करणारी स्टोरी शेअर केली आहे. त्याने सांगितलं की, ज्या व्यक्तीला तो त्याची मोठी बहीण समजत होता, ती मुळात त्याला जन्म देणारी आई आहे. पण इतके वर्ष त्याला कधीच असं जाणवलं नाही की, ज्या मोठ्या बहिणीसोबत तो लहान मुलांसारखा भांडत होता, तिच्यासोबत त्याचं वेगळं नातं असेल. तो २१ वर्षांचा झाल्यावर या गोष्टीचा खुलासा झाला. जेव्हा त्याला हे समजलं तेव्हा तो हैराण झाला.
न्यूयॉर्कचा टिकटॉक यूजर शेम ग्रिफ्सने एक व्हिडीओ पोस्ट करत सांगितलं की, 'त्याचं त्याच्या मोठ्या बहिणीसोबत एक मजूबत बॉंडीग आहे. ते सुद्धा लहान मुलांसारखे मस्ती करत होते, भांडत होते'. तो म्हणाला की, 'मला कधीच हे वाटलं नाही की, जिच्यासोबत तो मोठी बहीण म्हणून भांडत होता ती त्याची आई असेल. माझी आई कमी वयात गर्भवती झाली होती. तिने मला जन्म दिला'. (हे पण वाचा : मनासारखं बाळ मिळावं म्हणून महिलेने केली Sperm Donor Party, लवकरच पूर्ण होणार तिचं स्वप्न...)
कमी वयातच गर्भवती झाल्याने आईला गर्भपात करायची इच्छा नव्हती. ती तिच्या पहिल्या मुलासाठी लोकांच्या प्रश्नाने प्रहार झेलण्यास तयार होती. शेम म्हणाला की, त्याची आजी त्याचं संगोपन करून आनंदी होती. परिवाराने तो वयस्क होईपर्यंत हे सांगायचं नाही असा निर्णय केला होता.
शेम पुढे म्हणाला की, मोठ्या बहिणीच्या रूपात तिने माझ्यावर आईसारखंच प्रेम केलं. पण हे कधीच कळलं नाही की, ती माझी आईच आहे. मी सुद्धा कधी प्रश्न विचारला नाही. कारण घरातील सगळेच माझ्यावर खूप प्रेम करत होते. आता तो वयस्क झाला असून त्याला या गोष्टीबाबत सांगण्यात आलं. आणि हे सत्य जाणून घेतल्यावर त्यांचं प्रेम कमी झालं नाही तर आणखी वाढलं.