अंडरगारमेंट्स चोरी होत असल्याने वैतागल्या येथील महिला, सीसीटीव्ही फुटेजमध्ये दिसला चोर

तुम्ही कधी कुणी अंडरविअर चोरी केल्याचं ऐकलंय? नसेल ऐकलं तर अशी एक घटना समोर आली आहे.

जगभरातून चोरी अनेक घटन रोजच समोर येत असतात. कुठे गाडी चोरी जाते तर कुठे दागिने तर घरातील वस्तू. पण काही असेही असतात जे अशा वस्तू चोरी करतात की, आपल्याचाच विचार पडतो की, त्याने हे का केलं असेल? तुम्ही कधी कुणी अंडरविअर चोरी केल्याचं ऐकलंय? नसेल ऐकलं तर अशी एक घटना समोर आली आहे. ही घटना फुकेतच्या पटोंगमधील आहे. इथे काही महिला त्यांचे अंडरगारमेंट्स चोरी होत असल्याने वैतागल्या आहेत. 

ही चोरी या महिन्याच्या सुरूवातीला झाली होती. पण या आठवड्यात ही घटना सार्वजनिक करण्यात आली कारण आता या घटनेचा व्हिडीओ सोशल मीडियावर व्हायरल झाला आहे. हा व्हिडीओ व्हायरल झाल्यानंतर बऱ्याच महिला समोर आल्या आणि त्यांनी सांगितलं की, त्यांच्यासोबतही हे होत आहे. पोलीस आता चोराचा शोध घेत आहेत.

थायलॅंड पोलीस अधिकारी आता या सीसीटीव्हीच्या मदतीने चोराला शोधण्याचा प्रयत्न करत आहेत. महिलांनी सांगितलं की, या चोराने आमच्या अंडरविअर आणि ब्रा चोरी केल्या. जा नावाच्या एका महिलेने सांगितलं की, सगळ्यात आधी 3 मार्चला ही चोरी झाली होती.

महिलांसोबत बोलल्यानंतर पोलिसांनी समजलं की, सीसीटीव्ही फुटेजमध्ये दिसत असलेला निळी टी शर्ट आणि ब्लॅक शॉर्ट्समधील चोराने आतापर्यंत महिलांच्या घरांच्या बाहेरून जवळपास 1,846 रूपयांच्या अर्धा डझन ब्रा आणि जवळपास 2,321 रूपयांच्या 15 जोडी पॅंटी चोरी केल्या. हे कपडे बाहेर वाळत घातलेले होते.

जा या महिलेने सांगितलं की, हे फार वैताग देणारं आहे. मी आता माझ्या अंडरविअर पुन्हा घराच्या बाहेर वाळत घालण्याची हिंमत करत नाही. भिती वाटते की, त्या पुन्हा चोरी होती. आमची ईच्छा आहे की, पोलिसांनी चोराला लवकर पकडावे. कारण यामुळे लोकांना त्रास होत आहे.