एका महिलेने लग्नाचं नातं मजबूत करण्यासाठी एक अजब एक्सपरिमेंट केला. जेणेकरून नवीन नातं तुटू नये, यासाठी तिने तिच्या सगळ्या एक्स बॉयफ्रेंडना भेटून तिच्या कमतरतांबाबत जाणून घेतलं. महिलेला 5 बॉयफ्रेंड होते आणि ते सुद्धा तिला भेटले. आता ती एका 42 वर्षीय म्युझिशिअनसोबत लग्न करणार आहे.
33 वर्षीय एमी निकेलला तिच्या जुन्या चुका पुन्हा होऊ द्यायच्या नाहीयेत. त्यामुळे ती लग्नाआधी तिच्या पाचही बॉयफ्रेंडना भेटली. जेणेकरून तिला तिच्या चुका कळाव्या. तिला वाटतं की, असं करून तिचं नवीन नातं सफल होईल. एमी एक एक करून तिच्या बॉयफ्रेंड्सना भेटली.
'द सन'ला एमीने सांगितलं की, सगळ्यात आधी मी बेनला कॉन्टॅक्ट केला. 16 वर्षाची असताना मी पहिल्यांदा त्याच्यासोबत संबंध ठेवले होते. मी त्याला विचारलं की, आपलं ब्रेकअप का झालं होतं. आणि लगेच हे स्पष्ट झालं की, माझ्यामुळेच ब्रेकअप झालं होतं.
एमीने पहिल्या रिलेशनशिपबाबत सांगितलं की, 8 महिन्यांच्या रिलेशनशिप दरम्यान मला कधीच विश्वास झाला नाही की, तो माझ्यावर प्रेम करतो. म्हणून त्याला इंटरेस्टेड ठेवण्यासाठी बरंच काही केलं. यामुळेच आमचं ब्रेकअप झालं.
बेननंतर एमीच्या जीवनात सॅम आला. कॉलेजमध्ये शिकत असताना हे दोघेही रिलेशनशिपमध्ये होते. पण 2 वर्षानंतर एमीने सॅमसोबत ब्रेकअप केलं. तिने सांगितलं की, मला काही नवीन अनुभव घ्यायचा होता. पण तेव्हा मला याची जाणीव झाली नव्हती की, ते रिलेशनशिप खरंच किती चांगलं होतं. आता मला ते कळालं आहे की, मला त्यात गुंतायचं नाहीये. जे मिळत आहे त्यावर फोकस करायचा आहे.
एमीने पुढे सांगितलं की, सॅमसोबत ब्रेकअपनंतर तिच्या आयुष्यात आणखी एक व्यक्ती आली. 2014 मध्ये ती प्रेग्नंट झाली होती. माझ्या मुलाच्या वडिलाला इन्वॉल्व व्हायचं नव्हतं. नंतर मी सिंगल मदर म्हणूनच जीवन जगलं. नंतर काही महिने एका म्युझिशिअनला डेट केलं.
एमीने नव्या रिलेशनशिपबाबत सांगितलं की, 2017 मध्ये एक वर्ष मी डेविड नावाच्या व्यक्तीला डेट केलं. मला वाटत होतं की, मी त्याच्यासोबत जास्त काळ रिलेशनशिपमध्ये राहू शकते. पण पैशांवरून आमचं नातं बिघडलं. जेव्हा मला मुलगा झाला तेव्हा कमी क्रिससोबत थोड्या दिवसांसाठी रिलेशनशिपमध्ये होते.
एक्सपरिमेंट संपल्यानंतर एमीने याबाबत तिचा होणारा पती जोनाथन याला सांगितलं. ती म्हणाली की, मी आता एका करेक्ट व्यक्तीसोबत आहे. जो माझ्या रागानंतरही स्वत:ला शांत ठेवतो. कशाही स्थितीत तो स्वत:ला पॉझिटिव्ह ठेवतो आणि मला माहीत आहे की, मी आधी केलेल्या चुका पुन्हा करणार नाही. त्यामुळे मी आता लग्न करणार आहे.