कुणालाही नरम गादी आणि थंडगार AC मिळाला तर कुणीही क्षणाचाही वेळ घालवता लगेच झोपी जाईल. हे सामान्य माणसासोबत घडलं तर ठीक. पण जर हे चोरासोबत झालं तर? अशीच एक घटना थायलॅंडमधून समोर आली आहे. इथे एक व्यक्ती कथितपणे चोरी करण्याच्या उद्देशाने एका घरात शिरला होता. बरं याने केलं काय की, त्याने किंमती वस्तू जमा एका जागी जमा केल्या. पण त्याला झोप येत होती. अशात त्याने एका रूममध्ये एसी लावला आणि तेथील मुलायम बेडवर आरामात झोपला. मग काय जेव्हा त्याने डोळे उघडले तेव्हा पोलीस त्याच्या समोर होते.
'थाई मीडिया' रिपोर्ट्सनुसार, ही घटना थायलॅडच्या सेट्रं Phetchabun प्रांतातील आहे. इथे एक २२ वर्षीय तरूण चोरी करण्याच्या उद्देशाने रात्री २ वाजता एका घरात घुसला होता. चोरी करत असताना त्याला झोप आली तर त्याने एका रूममधील एसी लावला आणि बेडवर झोपला. जेव्हा सकाळी घराच्या मालकाने त्याला त्याच्या मुलीच्या रूममध्ये झोपताना पाहिलं तेव्हा तो हैराण झाल आणि त्याने पोलिसांना फोन केला.
मीडिया रिपोर्टनुसार, घराचा मालक एक पोलीस अधिकारीच आहे. तो जेव्हा सकाळी उठला तर त्याला दिसलं की, त्याच्या मुलीच्या रूममधील एसी सुरू आहे. तेव्हा त्याची मुलगी घरात नव्हती. अशात त्याने खिडकीतून मुलीच्या रूममध्ये पाहिलं तर त्याला दिसलं की, एक व्यक्ती बेडवर निवांत झोपली आहे.
यानंतर मालक लगेच रूममद्ये गेला आणि त्या व्यक्तीला ओरडून जागं केलं. आश्चर्याची बाब म्हणजे जेव्हा ती व्यक्ती झोपेतून उठली तर त्याचा अंदाज असा होता की, जसं त्याला काही माहितीच नाही की, काय होतंय. पोलिसांनी त्याला अटक केली आणि त्याच्यावर गुन्हा दाखल केला.