'व्हॅलेंटाइन डे'च्याबरोबर एक दिवसआधी काही सेकंदांचा एक व्हिडीओ व्हायरल झाला आणि प्रिया प्रकाश वारियर हे नाव जगाला कळलं. व्हिडीओ व्हायरल झाल्याच्या अवघ्या 24 तासांमध्येच तिचे फॉलोअर्स बॉलिवूड, हॉलिवूड किंवा क्रीडा क्षेत्रातील अनेक दिग्गजांपेक्षाही जास्त झाले.
आता प्रिया वारियरने एक नवा विक्रम केला आहे. सोशल नेटवर्किंग प्लॅटफॉर्म फेसबुक आणि इन्स्टाग्रामचा मालक मार्क झुकरबर्गलाही प्रियाने मागे टाकलं आहे. झुकरबर्गची मालकी असलेल्या इन्स्टाग्रामवर प्रियाचे फॉलोअर्स खुद्द झुकरबर्गपेक्षाही जास्त झाले आहेत. इन्स्टाग्रामवर झुकरबर्गचे 40 लाख फॉलोअर्स आहेत, तर प्रियाचे फॉलोअर्स झपाट्याने वाढून तब्बल 45 लाखांहून जास्त झाले आहेत.
दिवसेंदिवस तिच्या चाहत्यांची संख्या वाढतच आहे. प्रिया वारियर हे देशातील कदाचित एकमेव असं व्यक्तिमत्व आहे जी अवघ्या 30 सेकंदांच्या एका व्हिडीओमुळे देशातील तरूणांच्या हृदयाची धडकन बनली.