जगभरात अनेक अजब लोक असतात आणि त्यांचे अनोखे कारनामे पाहून हैराण व्हायला होतं. असेच अनेक लोक वर्ल्ड रेकॉर्ड आपल्या नावावर करण्यासाठी कोणतीही सीमा पार करतात. इतकंच नाही तर हे लोक अशी काही कामे करतात ज्याबाबत सामान्य माणूस विचारही करत नाही. एका महिलेने असाच कारनामा केलाय. तिचा कारनामा पाहून थरकाप उडाल्याशिवाय राहत नाही. तिने हा अनोखा कारनामा करून आपल्या नावावर वर्ल्ड रेकॉर्ड केला आहे.
जगभरात रोज लोक वेगवेगळे वर्ल्ड रेकॉर्ड कायम करतात. गिनीज बुक ऑफ वर्ल्ड रेकॉर्डही (Guinness World Record) अशा लोकांना नवनवीन कॅटेगरी तयार करून त्यांना ओळख देते. असाच एक कारनामा Zoe Ellis नावाच्या महिलेने केला आहे. या महिलेने तिच्या जिभेने फॅन रोखून वर्ल्ड रेकॉर्ड केला आहे. ऑस्ट्रेलियाच्या या महिलेला असं करताना पाहून बघणारे बघतच राहिले. काही लोकांना हे बघताना भीती वाटली.
Zoe Ellis ने इटलीमध्ये हा वर्ल्ड रेकॉर्ड बनवला. इथे तिथे तिने वेगाने फिरत असलेल्या फॅनचे पाते जिभेने थांबवले. तिने एक नाही तर अनेक फॅनसोबत हा कारनामा केला. सर्वात जास्त इलेक्ट्रिक फॅन जिभेने थांबवण्याचा तिने वर्ल्ड रेकॉर्ड केला.