राजस्थानच्या भीलवाडा जिल्ह्यात इन्स्टावरू एक तरूण विवाहित महिलेच्या प्रेमात पडला. त्यानंतर महिलेने त्याला बोलवल्यानंतर तो तिच्या सासरी पोहोचला. पण त्याला असं करणं तेव्हा महागात पडलं जेव्हा महिलेल्या सासरच्या लोकांनी त्याला पकडलं आणि दोरीने बांधलं. त्यानंतर त्याच्यासमोर महिलेलाही बसवण्यात आलं आणि प्रश्नांचा भडीमार करण्यात आला.
भीलवाडा जिल्ह्याच्या जहाजपूर उपखंडाच्या गावातील तरूणाची बाजूच्या गावातील एका विवाहित महिलेसोबत इन्स्टावर ओळख झाली होती. नंतर दोघे प्रेमात पडले. काही दिवसांनी महिलेने त्याला मेसेज करून सांगितलं की, घरी ये, मी एकटीच आहे'. तरूण लगेच तिच्या घरी पोहोचला. पण महिलेच्या सासरच्या लोकांनी तो घरी आल्याची माहिती मिळाली आणि त्याला पकडून दोरीने बांधलं.
यानंतर तरूणाला विचारण्यात आलं की, 'तू कुणाच्या सांगण्यावरून आला'. सोबतच महिलेला विचारण्यात आलं की, तरूण बरोबर बोलत आहे की नाही. या घटनेचा एक व्हिडिओही समोर आला आहे. 2 मिनिट 50 सेकंदाच्या या व्हिडिओत तरूण बोलताना दिसत आहे की, 'मी या महिलेला ठेवून घेणार, म्हणजे तिच्यासोबत लग्न करणार'. सोबतच तो हात जोडतानाही दिसत आहे. त्याच्या परिवारासोबत त्याचं बोलणं करून दिलं जात आहे.
यानंतर तरूण आणि त्याच्या विवाहित प्रेयसीला त्याच्या गावात नेण्यात आलं. इथे पंचायत बोलवण्यात आली. यादरम्यान त्यांना पुन्हा एकदा प्रश्न विचारण्यात आले. त्यानंतर दोघांचं लग्न लावून देण्यात आलं. दोरीने बांधण्यात आल्याबाबत तरूणाकडून पोलिसात कोणतीही तक्रार करण्यात आलेली नाही.