Lottery Winner: दुबईमध्ये काम करणाऱ्या एका भारतीय आर्किटेकला संयुक्त अरब अमीरातमध्ये एका नव्या मेगा पुरस्काराचा पहिला विजेता घोषित करण्यात आलं आणि याद्वारे त्याला पुढील 25 वर्षांसाठी दर महिन्याला 5.5 लाख रूपयांपेक्षा अधिक मिळतील.
मीडिया रिपोर्टनुसार, गुरुवारी आयोजीत एका प्रेस कॉन्फरन्समध्ये उत्तर प्रदेशातील मोहम्मद आदिल खान याला फास्ट फाइव्ह मेगा पुरस्काराचा विजेता घोषित केलं आहे. दुबईच्या एका रिअल इस्टेट कंपनीसाठी तो इंटेरिअर डिझाइन सल्लागार म्हणून करतो. या लॉटरीमुळे आदिल खान याला पुढील 25 वर्ष दर महिन्याला Dh25,000 (5,59,822) मिळतील.
आदिल याबाबत म्हणाला की, 'मी माझ्या परिवारात कमाई करणारा एकटाच आहे. कोरोना महामारी दरम्यान माझ्या भावाचं निधन झालं आणि त्याच्या परिवाराचा सांभाळही तोच करतो. माझे आई-वडील आणि एका पाच वर्षाची मुलगी आहे. अशात हे पैसे योग्य वेळी मिळाले'. तो पुढे म्हणाला की, जेव्हा त्याला याबाबत समजलं तेव्हा त्याला यावर विश्वास बसला नाही.