(Image Credit : bongitravel.it)
प्रत्येकाचीच आयुष्यात एकदा तरी परदेशात फिरायला जाण्याची इच्छा असते. तुम्हीही फिरण्याचे शौकीन असाल तर तुमचं हे स्वप्न पूर्ण होऊ शकतं. जर्मनीच्या प्रसिद्ध बिझनेसमन Karl Reipen तुमचं हे स्वप्न पूर्ण करू शकतात.
कार्ल रिपन यांना १० अशा लोकांची गरज आहे जे न्यूझीलॅंडमध्ये त्यांच्या फार्महाऊसवर त्यांचा एकटेपणा दूर करू शकतील. यासाठी ते तुमच्याकडून काहीच पैसे घेणार नाही. फक्त तुम्हाला त्यांचे मित्र होऊन फार्महाउसवर मजा-मस्ती करायची आहे. या फार्महाउसवर तुम्हाला सर्वच आधुनिक सुविधाही मिळतील.
न्यूझीलॅंडच्या न्यू प्लेमाउथमध्ये असलेल्या २२० हेक्टरमध्ये पसरलेली Awakino Estate कार्ल रिपन यांनी २००० साली खरेदी केली होती. इथे सगळंच आहे. पण मित्र नाहीत. कार्ल यांना त्यांच्या या फार्महाउसवर मित्रांची कमतरता फार टोचते. त्यामुळेच त्यांनी ही शानदार ऑफर दिली आहे.
कार्ल रिपन यांनी यासाठी एका लोकल वृत्तपत्रात जाहिरातही दिली आहे. त्यात लिहिले आहे की, १८ ते ७० वर्षाची कोणतीही व्यक्ती (महिला व पुरुष) माझ्या 'Awakino Estate' मध्ये सुट्टी घालवण्यासाठी येऊ शकते. एका व्हिलामध्ये दोन लोक शेअरिंग करू शकतात. जर तुमच्याकडे स्वत:चा घोडा असेल तर त्यालाही आणू शकता.
'Awakino Estate' जवळील अवेकिनो नदीमध्ये तुम्ही स्वीमिंग, फिशिंग, कायाकिंग, बर्ड वॉचिंगसोबतच नदी किनारी मॉर्निंग आणि इव्हिनिंग वॉकही करू शकता. जर तुम्हाला वाइल्ड लाइफची आवड असेल तर इथे वेगवेगळ्या प्रकारची प्राणीही बघायला मिळू शकतात.
न्यूझीलॅंडच्या तस्मान समुद्राजवळ असलेल्या ८.५ मिलियन डॉलरच्या 'Awakino Estate' आत तुम्हाला राहण्यासाठी अनेक व्हिला आहेत. २०१६ मध्ये कार्ल यांनी हे प्रॉपर्टी विकण्याचा निर्णय घेतला होता. पण त्यावेळी कुणी खरेदी करणारा मिळाला नाही. तुम्हाला जर इथे जायच असेल तुम्ही Karl Heinz Reipen Trust सोबत संपर्क करू शकता.