नवरीला सोडून मंडपातून पळाला नवरदेव, होणाऱ्या सासऱ्यानेच केलं तिच्याशी लग्न

Weird Marriage : एक हैराण करणारी बाब समोर आली आहे. इथे एका लग्नातून नवरदेव अचानक फरार झाला आणि एकच गोंधळ उडाला.

Weird Marriage : लग्न समारंभात वाद-गोंधळ होणं सामान्य आहे. कधी लग्नात मुलाकडील लोक धिंगाणा घालतात तर कधी मुलीकडील लोक. पण जेव्हा वाद नवरी-नवरदेवात होत असेल तर तो सोडवणं जरा अवघड काम असतं. ऑडिटी सेंट्रल न्यूज वेबसाइटच्या रिपोर्टनुसार, इंडोनेशियाच्या साउथ हलमाहेरामधील जायकोटामो गावातून एक हैराण करणारी बाब समोर आली आहे. इथे एका लग्नातून नवरदेव अचानक फरार झाला आणि एकच गोंधळ उडाला.

थोडावेळ झालेल्या गोंधळानंतर जे झालं ते सगळ्यांनाच हैराण करणारं होतं. नवरदेव पळून गेल्यावर नवरीच्या परिवारातील लोक टेंशनमध्ये आले आणि त्यांना काही सुचत नव्हतं. अशात मुलाचे वडील समोर आले आणि त्यांनीच आपल्या होणाऱ्या सूनेसोबत लग्न करण्याचा निर्णय घेतला.

इंडोनेशिअन मीडिया रिपोर्टनुसार, तरूणी एसए दक्षिण हलमहेराच्या जिकोटामो गावात राहणारी आहे आणि सांगण्यात आलं की, ती नवरदेवासोबत बऱ्याच वर्षापासून रिलेशनशिपमध्ये होती. 29 ऑगस्टला लग्नाच्या दिवशीच तो मंडपातून फरार झाला. 

लग्नाची सगळी तयारी झाली होती आणि मुलीकडील लोकांनी लग्नासाठी बराच पैसाही खर्च केला होता. ही रक्कम त्यांच्यासाठी खूप मोठी होती. अशात ही सगळी व्यवस्था व्यर्थ जाऊ नये म्हणून नवरदेवाचा पिताच लग्नसाठी तयार झाला.

इंडोनेशिअन सोशल मीडियावर व्हायरल व्हिडिओत नवरी आणि नवरदेवाच्या वडिलाला लग्न समारंभात दाखवलं आहे. या लग्नावर लोकांच्या वेगवेगळ्या कमेंट्स येत आहेत. अनेकांनी हे चुकीचं ठरवलं तर काही याला योग्य मानत आहेत.