सरकारी खर्चाने ब्राझील वारी

साध्या साध्या गोष्टींवरून काँग्रेस पक्षावर उठसूठ टीकेची झोड उठविणाऱ्या व यापूर्वीच्या काँग्रेस सरकारवर उधळपट्टीचे आरोप करणाऱ्या मुख्यमंत्री मनोहर पर्रीकर यांनी आज कोलांटउडी मारली

पणजी : साध्या साध्या गोष्टींवरून काँग्रेस पक्षावर उठसूठ टीकेची झोड उठविणाऱ्या व यापूर्वीच्या काँग्रेस सरकारवर उधळपट्टीचे आरोप करणाऱ्या मुख्यमंत्री मनोहर पर्रीकर यांनी आज कोलांटउडी मारली. त्यांच्या कृपेने सहा आमदार आणि मंत्री ब्राझीलमध्ये या महिन्याच्या अखेरीस कार्निव्हल साजरा करणार आहेत. राज्याच्या भांडारात खडखडाट असताना आमदार आणि मंत्री मात्र ब्राझीलमध्ये जीवाचा गोवा करण्यास जाणार आहेत. यास विरोधकांनी जोरदार आक्षेप घेतला असला तरी पर्रीकर मात्र आपल्याच भाजप आमदारांचे, मंत्र्यांचे समर्थन करत आहेत. विशेष म्हणजे या तथाकथित अभ्यासदौऱ्यात गोव्यातील एकही खेळाडू अथवा क्रीडातज्ज्ञ नाही.
क्रीडामंत्री रमेश तवडकर यांच्यासह दोन अन्य मंत्री व तीन सत्ताधारी आमदार मिळून सहाजणांना अभ्यास दौऱ्याच्या गोंडस नावाखाली सरकारी खर्चातून फुटबॉल सामने पाहण्यासाठी ब्राझीलला पाठवण्याच्या हालचाली सुरू आहेत. त्यास प्रदेश काँग्रेसने जोरदार विरोध केला आहे.
अंतिम फेरी १३ जुलै रोजी ब्राझीलमध्ये रियो येथे होणार आहे. कामत पुढे म्हणतात की, प्रादेशिक आराखडा, कॅसिनो, बेकायदा खाणींच्या प्रश्नावर २0१२च्या विधानसभा निवडणुकीत पर्रीकरांनी आश्वासने दिली होती, त्या प्रत्येक बाबतीत शब्द फिरवला. जनतेचा पैशांची उधळपट्टी न करण्याच्या आश्वासनावरही त्यांनी ‘यू टर्न’ घेतला. फुटबॉलची जाण असलेल्या व या क्षेत्रातील तीन तज्ज्ञांना पाठवले असते तर समजता येण्यासारखे होते. मात्र, सरकारने अर्जुन पुरस्कार विजेत्यांनाही डावलले. एकीकडे उपमुख्यमंत्री राज्य आर्थिक अडचणीत असल्याचे सांगतात, दुसरीकडे सरकारच अशी उधळपट्टी करते. 

मुख्यमंत्र्यांचे ‘ग्रीन कार्ड’
मुख्यमंत्री मनोहर पर्रीकर यांनी या दौऱ्याचे समर्थन केले असून गोव्यात भविष्यात १७ वर्षांखालील खेळाडूंसाठी विश्वचषक फुटबॉल स्पर्धेचे आयोजन करायचे असल्याने अनुभवासाठी आमदारांना ब्राझिलला पाठवले जात असल्याचे म्हटले आहे. आम्ही ल्युसोफोनिया स्पर्धेचे यशस्वी आयोजन केले. त्यामुळे १७ वर्षांखालील फुटबॉल विश्वचषक स्पर्धाही सहजपणे आयोजित करू शकतो, असे त्यांचे म्हणणे आहे.
करदात्यांच्या पैशांची उधळपट्टी : राष्ट्रवादी