अलिकडे सोशल मीडिया कुणासाठी मनोरंजनाचं साधन झाला आहे तर कुणासाठी देश-विदेशातील अपडेट मिळवण्याची माध्यम. पण लहान मुलांसाठी सोशल मीडिया आजही खतरनाक आहे. कारण नेहमीच सोशल मीडियावर अशा गोष्टी दिसतात ज्या लहान वयात बघण्यासारख्या नसतात. अनेकदा हैराण करणारे फोटो आणि व्हिडीओ लहान मुलांच्या मनावर वाईट प्रभाव टाकतात. काही शाळकरी मुलांनी सोशल मीडियावर नुकतंच असं काही पाहिलं ज्यानंतर ते हैराण झाले. त्यांनी इन्स्टाग्रामवर त्यांच्याच शिक्षिकेचा एक अश्लील (Russian School Teacher Video) व्हिडीओ पाहिला.
व्हिक्टोरिया काशीरीना नावाच्या २३ वर्षीय रशियन स्कूल टीचरने नुकताच सोशल मीडियावर एक व्हिडीओ पोस्ट केला होता. हा व्हिडीओ पाहता पाहता व्हायरल झाला. पण व्हायरल झाल्यावर वेगळंच काही वाईट होणार होतं. महिलेने स्ट्रीप करताना व्हिडीओ इन्स्टाग्रामवर शेअर केला होता. हा व्हिडीओ व्हायरल झाला. हाच व्हिडीओ तिच्या विद्यार्थ्यांनीही पाहिला.
मीडिया रिपोर्ट्सनुसार, व्हिक्टोरिया साहित्य विषयात एक ट्रेनी टीचर म्हणून काम करत होती आणि तिला ११-१२ वयाच्या विद्यार्थ्यांनी साहित्य शिकवायचं होतं. अशात एका विद्यार्थ्याच्या आईनेही या टीचरचा व्हिडीओ पाहिला. या महिलेने टीचरची शाळेत तक्रार केली. महिला म्हणाली की, एकतर टीचरने अश्लील व्हिडीओ पोस्ट करणं बंद करावं नाही तर सोशल मीडिया सोडावा. कारण याने त्यांच्या मुलांवर वाईट परिणाम होतो.
व्हिक्टोरियाने यातील काहीच मान्य केलं नाही. टीचर म्हणाली की, आई-वडिलांनी तिचे व्हिडीओ बघण्याऐवजी त्यांच्या मुलांची ब्राउजींग हिस्ट्री चेक करावी. ती बरेच वर्षापासून पोल डान्सचे व्हिडीओ बनवत आहे आणि सोशल मीडियावर पोस्ट करते. टीचर म्हणाली की, ती तिच्या फ्रीडम ऑफ एक्स्प्रेशनचा वापर करत आहे. यानंतर शाळेने तिला नोकरीवरून काढलं आणि आता व्हिक्टोरिया शाळेविरोधात कोर्टात जाणार आहे.