Boyfriend Wedding Drama: उत्तर प्रदेश (Uttar Pradesh) च्या संभलहून अलिगढला जाण्यासाठी वरात तयार होती. तेव्हा नवरदेवाची गर्लफ्रेंड तिथे पोहोचली. ज्यानंतर तिने ती नवरदेवाची गर्लफ्रेंड असल्याचा दावा करत चांगलाच गोंधळ घातला. हे बघून मुलीकडील लोकांना धक्का बसला. तरूणीने नवरदेवावर आरोप लावत सांगितलं की, दिल्लीमध्ये तरूणाने तिच्यासोबत लव्ह मॅरेज केलं आणि अनेक वर्षापासून ते सोबत राहत आहेत. ज्यानंतर घरातील मोठे लोक समोर आले आणि अनेक तास झालेल्या चर्चेनंतर असं ठरलं की, नवरदेवाच्या छोट्या भावाचं नवरीसोबत लग्न लावून दिलं जाईल. तेव्हा कुठे वरात अलिगढला रवाना झाली. त्यानंतर तरूणी देखील शांत झाली.
संभलच्या गुन्नौरहून वरात घेऊन तरूण अलिगढला जात होता. बुधवारी सकाळी सगळे रितीरिवाज पार पाडून नवरदेव निघणार इतक्या तरूणीने एंट्री घेतली. ज्यानंतर तरूणीने वरात दरवाज्यावरच थांबवली आणि तिने जेव्हा ती नवरदेवाची गर्लफ्रेंड असल्याचं सांगितलं तेव्हा सगळ्यांनाच धक्का बसला. प्रकरण इतकं वाढलं की, पोलिसांनाही बोलवावं लागलं. तेच नवरदेवाने हे सगळं खोटं असल्याचं म्हटलं. नवरदेव म्हणाला की, तो तरूणीला ओळखतो हे खरं आहे, पण तिने जे सांगितलं ते सत्य नाहीये.
वाद वाढल्यामुळे मुलाकडील लोकांनी पोलिसांना बोलवलं. पोलीस घटनास्थळी पोहोचले आणि दोन्ही पक्षांचं ऐकून घेतल्यावर सगळ्यांना स्टेशनमध्ये घेऊन गेले. त्यानंतर अधिकारी नरेश कुमार यांनी तरूणाला दुसरं लग्न करण्यापासून रोखलं आणि तरूणीला त्याच्यासोबत परत पाठवलं.
तरूणीने नवरदेवावर ते अनेक वर्षापासून सोबत राहत असल्याचा आरोप लावला. तरूणीने असाही आरोप केला की, तरूणाने तिच्यासोबत लव्ह मॅरेज केलं आहे. तो तिला त्याच्या पत्नीसारखा ठेवतो. ती म्हणाली की, तो तिला फसवून आपल्या घरी संभलला आला होता. जिथे त्याने दुसऱ्या तरूणीसोबत लग्न ठरवलं. जेव्हा तिला याची माहिती मिळाली तर ती थेट त्याच्या घरी पोहोचली.