गल्फ - प्राण्यांना माणसांचा लळा लागला की ते लगेच माणसाळतात. मग पोलिसांचा कुत्रा असला तरी त्याला पोलिसांचा लळा लागेलच ना. असाच एक व्हिडिओ समोर आला आहे. पोलीस व्यायामासाठी पुशअप्स मारत असताना त्यांच्या कुत्र्यानेही पुशअप्स मारायला सुरुवात केली. पोलिसांनी हा व्हिडिओ सोशल मीडियावर अपलोड केला असता क्षणार्धात व्हायरलही झालाय.
आणखी वाचा - लायकाच्या प्रवासाची 60 वर्षे; अंतराळात जाणारा पहिला प्राणी
गल्फ शोर्स पोलीस विभागाने हा व्हिडिओ शेअर केला आहे. निट्रो असं या कुत्र्याचं नाव असून तो २ वर्षांचा आहे. फेब्रुवारी महिन्यात डच अलाबामाच्या गल्फ शोर्सच्या पोलीस विभागात दाखल झाला होता. त्यानंतर तो हळूहळू त्यांच्यात रुळू लागला. आपल्या ऑफिर्ससना व्यायाम करताना पाहिल्यावर त्यानेही व्यायामाला सुरुवात केली. पुशअप्स मारताना आय ऑफ दि टायगर हे गाणंही लागलं आहे. हा व्हिडिओ शेअर करताना पोलिसांनी लिहिलं आहे की, निट्रो त्याचे पोलीस ऑफिसर कोवान आणि ऑफिसर हैनकॉक वॉर्म अप करत असून ते चोरांना पकडण्यात सज्ज होत आहेत.
आणखी वाचा - आश्चर्यकारक - सिंगापूरच्या प्राणी संग्रहालयातील हंसाचं पिल्लू चक्क घालतो शूज
आणखी वाचा - या देशात प्राणी चालवतात राजकीय सत्ता
गेल्या रविवारी हा व्हिडिओ त्यांनी शेअर केला. अवघा ७ सेंकदाचा असलेला व्हिडिओ ८ लाखांहून अधिक लोकांनी पाहिला असून २६ हजारपेक्षा अधिक नेटीझन्सकडून सोशल मीडियावर शेअर केला आहे. माणसं व्यायाम करण्यासाठी आळस करतात. मात्र या कुत्र्यामुळे माणासाला प्रेरणा मिळाली आहे. कामाला जाण्याआधी पुश अप्स करणं किती गरेजचं आहे, असाच उद्देश या व्हिडिओतून मिळतोय, अशा काहीशा प्रतिक्रिया नेटीझन्सने दिल्या आहेत. पोलिसांना त्यांचं काम फत्ते करण्यासाठी खूप मेहनत करावी, त्यासाठी त्यांना व्यायामाची नितांत आवश्यकता असते. त्यामुळे आपल्या ऑफिर्ससना रोज रोज पुशअप्स मारताना पाहिल्यावर निट्रोलाही पुशअप्स मारावसे वाटले असेल. त्याचा हा व्हिडिओ पाहताना थोडीशी गंमतही वाटते. निट्रो पुशअप्स मारताना एक एक पाऊल पुढे जाताना दिसतोय. यात थोडीशी गंमत वाटत असली तरीही प्रत्येकाने असे पुशअप्स मारणं गरजेचं आहे.
सौजन्य - www.dailymail.co.uk