तब्बल १२३ दिवस हात बांधून सोबत होतं हे कपल, आता नॅशनल टीव्हीसमोर केलं ब्रेकअप

कपलची चेन तोडणारा व्यक्ती लोपुही जोरिनने लिहिले की, 'हे कपल रजिस्ट्री  कार्यालयात चेन कापणार होतं. जेणेकरून स्टीलचं हे बंधन तोडून ते लग्नाच्या बंधनात बांधले जातील.

यूक्रेनच्या एका कपलने नॅशनल टीव्हीवर ब्रेकअप केलं. हेच कपल गेल्या १२३ दिवसांपासून हॅंडकफने एकमेकांसोबत जुळलेले होते. फेब्रुवारीमद्ये खार्किवच्या ३३ वर्षीय ऑनलाइन कार विक्रेता अलेक्झांडर साशा कुडले आणि २९ वर्षीय ब्युटीशिअन व्हिक्टोरिया वीका पुस्तोवितोवाने एक प्रयोग म्हणून आपलं तुटत असलेलं नातं वाचवण्यासाठी हॅंटकफ बांधून राहण्याचा निर्णय घेतला होता.

कपलची चेन तोडणारा व्यक्ती लोपुही जोरिनने लिहिले की, 'हे कपल रजिस्ट्री  कार्यालयात चेन कापणार होतं. जेणेकरून स्टीलचं हे बंधन तोडून ते लग्नाच्या बंधनात बांधले जातील. पण मला त्याचा स्थानावर ही चेन कापावी लागली जिथे १४ फेब्रुवारीला त्यांना चेन बांधली होती'.

डेली मेलच्या वृत्तानुसार, व्हॅलेंटाइन डे पासूनच हे कपल एकमेकांना बांधलं गेलेलं होतं. शॉवर घेण्यापासून ते बाथरूम वापरण्यापर्यंत ते सतत सोबत राहत होते. एकत्र शॉपिंग करत होता, सिनेमे बघत होते, झोपत होते आणि दुसऱ्यांना भेटतही सोबत होते. जसजसे दिवस पुढे गेले साशा आणि वीका यांना त्यांच्या पर्सनल स्पेसची कमतरता जाणवू लागली होती. आणि ते मनातून वेगळे होते गेले. 

कपलने १७ जूनला मीडियासमोर त्यांच्या हातांना बांधलेली चेन तोडली. यावेळी एका मोठ्या कटरने ही चेन कापण्यात आली. मिररनुसार, वीका जिने कधी साशासोबत लग्न करण्याचा प्लॅन केला होता. तिने चेन कापल्यावर लगेच "हुर्रे" असं म्हणत आनंद साजरा केला. 

एकमेकांसोबत चेनने बांधलेले असताना त्यांना अनेक अडचणींचा सामना करावा लागला. अलेक्झांडरने त्याच्या संयुक्त सोशल मीडियावर अकाऊंटवर लिहिले की, जेव्हा आम्ही एखाद्या स्थितीत एक प्लस शोधत होतो, तेव्हा आम्हाला  दोन मायनस मिळत होते. वीकाला तिच्या आधीच्या जगण्यात परत जायचं होतं. ज्या गोष्टी करायला तिला आवडत होत्या त्यांची तिला आठवण येत होती. त्या गोष्टी माझ्यासोबत करण्याचा ती विचार करू शकत नव्हती. नंतर वीकाने सांगितलं की, ती त्यावेळी एक स्वतंत्र व्यक्तीच्या रूपात जगू आणि वाढू शकत नव्हती.