लोक अनेकवेळा आपल्या बॉसच्या माघारी त्यांच्यासंदर्भात चुकल्या करताना दिसतात. मात्र, जेव्हा बॉस अपल्या कर्मचाऱ्यांना सरप्राइज देतो, तेव्हा सर्वांनाच आनंद वाटतो. होय, असेच काहीसे कॅनडामध्ये बघायला मिळाले आहे. येथे, कोरोना महामारी दरम्यानच्या कर्मचाऱ्यांच्या कठोर परिश्रमाबद्दल, त्यांचे आभार मानताना एका बॉसने आश्चर्य वाटेल, अशी भेट त्यांना दिली आहे. बॉसने आपल्या सर्व कर्मचाऱ्यांना जबरदस्त अशी लूई वीटॉन (Louis Vuitton) ची एक-एक बॅग गिफ्ट केली आहे. या बॅगची किंमत तब्बल एक लाख रुपयांहून अधिक आहे.
बॉसने आपल्या कर्मचाऱ्यांना आश्चर्यचकित केले - कॅनडातील एक डेंटिस्ट डॉ. यूसुफ चाबन (Dr Yousif Chaaban) यांनी आपल्या टीममधील प्रत्येक सदस्यासाठी एक बॅग विकत घेतली आहे. या बॅकची किंमत तब्बल £1,000 (एक लाख रुपयांहून अधिक) अधिक असू शकते. अल्बर्टा येथील एडमॉन्टनमध्ये ऑक्सफर्ड डेंटलचे मालक तथा दंतचिकित्सक यांचा एका व्हिडिओ तयार करण्यात आला होता. हा व्हिडिओ आता जबरदस्त व्हायरल होत आहे. कंपनीने पोस्ट केलेल्या एक टिकटॉक व्हिडिओमध्ये दिसू शकते की, संबंधित डेंटिस्टने अपल्या कर्मचाऱ्यावर मोठ्या प्रमाणावर पैशांची उधळण केली आहे. यामुळे डॉ. चाबन यांना आतापर्यंतचा सर्वात चांगला बॉस म्हटले जात आहे.
कर्मचारीही झाले अवाक...! -व्हिडिओमोध्ये, ते एका शॉपिंग सेंटरच्या जवळपास बॅग खरेदी करताना दिसत आहेत. या शॉर्ट क्लिपमध्ये, आमच्या बॉसने लुई बॅगसह आमच्या कर्मचाऱ्यांना आश्चर्यचकित केले असल्याचे,' म्हटले गेले आहे. हा व्हिडिओ आतापर्यंत लाखो लोकांनी बघितला आहे. तसेच या व्हिडिओला 217k हून अधिक लाइक्सदेखील मिळाले आहेत. या व्हिडिओवर इतर युजर्सनीही आपल्या प्रतिक्रिया दिल्या आहेत.