(Image Credit : news18.com)
उत्तर प्रदेशातील अयोध्येतून एक धक्कादायक घटना समोर आली आहे. इथे बॉयफ्रेन्डला घरात लपवून ठेवत त्याच्यासोबत अनैतिक संबंध ठेवणं या विवाहित महिलेसह तिच्या बॉयफ्रेन्डलाही चांगलंच महागात पडलं आहे. दोघांच्या अनैतिक संबंधाबाबत माहिती मिळताच महिलेच्या कुटुंबीयांनी आणि गावकऱ्यांनी विवाहित महिला आणि तिच्या बॉयफ्रेन्डचं नाक कापलं आणि मारहाणही केली. ही महिला पाच मुलांची आई असून तिचा पती कामासाठी सौदी अरबमध्ये राहतो.
येथील पटरंगामधील खंड पिपरा गावात ही धक्कादायक घटना घडली. येथील ३० वर्षीय विवाहित महिलेचे एका २३ वर्षीय तरूणासोबत अनैतिक संबंध होते. अनेक दिवसांपासून दोघेही लपून भेटत होते. इतकेच नाही तर महिलेने तिच्या बॉयफ्रेन्ड अनेकदा घरीही भेटण्यास बोलवले होते. त्यानंतर गावकऱ्यांना शंका आल्यावर त्यांच्यावर नजर ठेवण्यात आली. दोघांनाही रंगेहाथ पकडून गावकऱ्यांनी दोघांनाही चांगलाच चोप दिला.
दोघेही यावेळी महिलेच्या घरी होते. घरी कुणी नसल्याचं पाहून तिचा बॉयफ्रेन्ड घरी आला होता. कुटुंबीयांनी आणि गावकऱ्यांना याची माहिती मिळताच सगळे जमा झाले. सगळ्यांना पाहून महिलेने बॉयफ्रेन्डला घरात लपवलं. यावेळी ती वाचली. मात्र, रात्री उशीरा तिचा बॉयफ्रेन्ड घरातून बाहेर पडत असताना गावकऱ्यांनी त्याला पकडले. आणि त्याला मारहाण केली.
नंतर संतप्त कुटुंबियांनी आणि नागरिकांनी दोघांना शिक्षा देण्याचा निर्णय घेतला. यावेळी दोघांचं नाक कापण्यात आलं. गेल्या पाच-सहा वर्षांपासून दोघांमध्ये अनैतिक संबंध असल्याचं उघड झालं. दोघांनाही पोलिसांनी ताब्यात घेतलं. याप्रकरणी पोलीस अधिक तपास करत आहे.