कानळद्यात पं.स.चे माजी सभापती राजेंद्र चव्हाण यांच्या पॅनलचा धुव्वा

लोकमत न्यूज नेटवर्क

जळगाव : तालुक्यातील कानळदा येथील ग्रामपंचायतीच्या निवडणुकीत चौरंगी लढत पाहायला मिळाली. यामध्ये नीलेश भंगाळे यांच्या नेतृत्वाखालील ग्रामविकास पॅनल १७ पैकी ७ जागा जिंकत सर्वांत मोठे पॅनल ठरले आहे. चौरंगी लढतीत भाजप तालुकाप्रमुख गोपाळ भंगाळे व शिवसेनेचे तालुका प्रमुख राजेंद्र चव्हाण यांचाही पराभव झाला. माजी जि.प. महिला व बालकल्याण सभापती नीता चव्हाण यांचाही पराभव झाला. गोपाळ भंगाळे यांच्या परिवर्तन पॅनलला ४, निवृत्त डीवायएसपी पुंडलिक सपकाळे यांच्या पॅनलला ६, तर नीलेश विष्णू भंगाळे यांच्या ग्रामविकास पॅनलला ७ जागा मिळाल्या. राजेंद्र चव्हाण यांच्या ग्रामविकास आघाडी पॅनलला खातेदेखील उघडता आले नाही. राजेंद्र चव्हाण स्वत:, त्यांच्या पत्नी व मुलगाही या निवडणुकीत पराभूत झाले आहेत. नीलेश विष्णू भंगाळे यांनी भाजपचे तालुका प्रमुख गोपाळ भंगाळे यांचा तब्बल ३६६ मतांनी पराभव केला. कानळद्यात शिवसेना पुरस्कृत उमेदवारांचा पराभव झाला आहे. दरम्यान, त्रिशंकू स्थिती असल्याने आता घोडेबाजार मोठ्या प्रमाणात बहरणार आहे.

वाॅर्ड १

सुकलाल श्रावण सातोडे - ३८१

जयश्री प्रभाकर गायकवाड - ३०४

वाॅर्ड २

भिकन भगीरथ सपकाळे - ४६५

कविता प्रमोद सपकाळे - ५४५

आशा प्रमोद चव्हाण - २७२

वाॅर्ड ३

एकनाथ अमृत सपकाळे - ४४८

त्रिवेणी गोकुळ सपकाळे - ३१६

प्रतिभा विष्णू भंगाळे - ३१६

वाॅर्ड ४

नीलेश विष्णू भंगाळे - ४९०

निवृत्ती प्रभाकर बोरोले - ४८५

वासंती प्रभाकर राणे - ३७५

वाॅर्ड ५

जगदीश सुकदेव सपकाळे - २०८

वासंती प्रभाकर राणे - ३७५

रूपाली आनंदा सपकाळे - ३३८

वाॅर्ड ६

किशोर भगवान सपकाळे - ५५५

पुंडलिक तुळशीराम सपकाळे - ६१७

हर्षा विनोद सपकाळे - ५७०