जळगाव : अखिल भारतीय विद्यार्थी परिषदतर्फे शुक्रवारी वर्धापन दिनानिमित्त वाल्मिक मैदान येथे वृक्षारोपणाचा कार्यक्रम पार पडला.
अखिल भारतीय विद्यार्थी परिषद जळगाव महानगराच्या वतीने वर्धापन दिनानिमित्त विविध उपक्रमांचे आयोजन करण्यात आले होते. त्यात गेल्या दहा दिवसांपासून सुरू असलेल्या वस्त्यांमध्ये परिषद की पाठशाला उपक्रमात विद्यार्थ्यांना अभाविप महाराष्ट्रचे प्रदेश उपाध्यक्ष प्रा.मनीष जोशी सरांच्या हस्ते शैक्षणिक साहित्य विद्यार्थ्यांना वाटप करण्यात आले. त्यानंतर, अभाविप शिष्टमंडळाने पोलीस अधिक्षक प्रवीण मुंढे, विविध शैक्षणिक क्षेत्रातील व्यक्तींचे भेट घेतली व सुरू असलेल्या उपक्रमांची माहिती दिली. दिवसभरातील कार्यक्रमांमध्ये अभाविप जळगाव जिल्हा प्रमुख प्रा.सुनील कुलकर्णी, महानगर अध्यक्ष प्रा.भूषण राजपूत, महानगरमंत्री आदेश पाटील, रितेश महाजन, पवन भाई, चिराग तायडे, आकाश पाटील, पौर्णिमा देशमुख, भाग्यश्री कोळी, रोशनी जैन, माधुरी पाटील आदींची उपस्थिती होती.