जळगाव जिल्ह्यातील पारोळा शहरापासून काही अंतरावर एसटी बसला भीषण अपघात घडलाय. यात अपघातात एसटी बस चालकासह आठ प्रवासी जखमी झाले आहेत. जखमींना पारोळा येथील कुटीर रुग्णालयात उपचारासाठी दाखल करण्यात आलं आहे.
पारोळा तालुक्यातील विचखेडा गावाजवळ हा अपघात घडला. नाशिक येथून जळगावकडे येणाऱ्या एसटी बसला (क्रमांक MH 20 2579) हा अपघात घडला. सायंकाळी सात वाजेच्या सुमारास ही घटना घडली. पारोळा तालुक्यात सायंकाळी पाऊस सुरू होता.
पावसामुळे एसटी बस चालकाचे नियंत्रण सुटल्याने हा अपघात घडला. अपघातात एसटी बसच्या पुढील भागाचे नुकसान झाले आहे. सुदैवाने या अपघातात जीवितहानी झालेली नाही.
दरम्यान, मंगळवारी दुपारी जळगाव तालुक्यातील नशिराबाद टोलनाक्याजवळ एसटी बसच्या अपघातात एका महिलेचा मृत्यू झाल्याची घटना घडली होती. दुपारी ही घटना घडल्यानंतर सायंकाळी पुन्हा एसटी बसला अपघात झाल्याची घटना घडली.
Web Summary : Near Parola, Jalgaon, an ST bus accident injured its driver and eight passengers. The accident occurred near Vichkheda village due to rain, causing the bus to lose control. Injured individuals were admitted to Parola Cottage Hospital. No fatalities were reported.
Web Summary : जलगाँव के पारोला के पास एस टी बस दुर्घटना में चालक और आठ यात्री घायल हो गए। विचखेड़ा गाँव के पास बारिश के कारण बस का नियंत्रण खो गया। घायलों को पारोला कुटीर अस्पताल में भर्ती कराया गया। कोई हताहत नहीं।