जळगाव : जळगाव जिल्ह्याच्या अनेक भागात शुक्रवारी दुपारी वादळी वाऱ्यासह पाऊस झाला. कर्की रामगड ता. मुक्ताईनगर येथे आदिवासी वस्तीवर वीज पडून नऊ शेळ्या ठार झाल्या तर जामनेर तालुक्यात शुक्रवारी दुपारी चार वाजेच्या सुमारास वादळासह गारा पडल्या.
कर्की रामगड येथे शुक्रवारी सायंकाळी सव्वाचार वाजेच्या सुमारास आदिवासी वस्तीवर वीज कोसळली. यात तारसिंग गुलाब भिलाले यांच्या मालकीच्या नऊ शेळ्या ठार झाल्या. सरपंच दत्ता पाटील यांनी या घटनेची माहिती प्रशासनाला दिली.
तोंडापूर ता. जामनेर येथे दुपारी साडेतीन वाजेच्या सुमारास चक्रीवादळासह जोरदार पाऊस झाला. काही प्रमाणात गाराही पडल्या. काही घरांवरील पत्रे उडाली.