मिळेल त्या भावात कापूस विक्री

तोंडापूर ता. जामनेर परिसरात परतीच्या पावसामुळे ओला झालेला कापूस झटपट वेचून शेतकरी व्यापा:यांना विकत आहेत.

ठळक मुद्दे बसस्थानक परिसराला जत्रेचे स्वरूपकापसाला क्विंटलला केवळ अडीच ते तीन हजाराचा भावव्यापारीही माल घेण्यासाठी सरसावले.

लोकमत ऑनलाईन तोंडापूर ता.जामनेर, दि.14 : परतीच्या पावसाने सतत चार दिवस थैमान घातल्याने तोंडापुरसह परिसरातील बहुसंख्य शेतक:यांचा कापूस शेतातच ओला झाला आहे. या ओल्या कापसाची झटपट वेचणी करुन शेतक:यांनी हा कापूस घरात न ठेवता मिळेल त्या भावात विकणे सुरू केले आहे. आणि हा कापूस घेण्यासाठी व्यापारीदेखील सरसावले असून शनिवारी सकाळपासूनच येथील कापूस व्यापा:यांच्या दुकानांवर शेतक:यांची मोठी वर्दळ होती. पाच ते सात हजार रुपये क्विंटलने विकल्या जाणा:या कापसाला मात्र पावसाचा फटका बसून तो चक्क अडीच ते तीन हजार रुपये क्विंटलर्पयत खरेदी करण्यात आला. परिणामी शेतक:यांना मोठे नुकसान सहन करावे लागले. सकाळपासून रिक्षा, ट्रॅक्टर, बैलगाडय़ांमध्ये शेतक:यांनी कापूस भरून आणल्याने येथील बसस्थानक परिसरातला जत्रेचे स्वरूप प्राप्त झाले होते. परिसरात तब्बल पंधरा ते वीस व्यापारी दुकानाबाहेर कापूस खरेदीसाठी काटे लाऊन बसले होते.