एका क्लिकवर मिळणार रेशन कार्ड लाभार्थ्यांना अद्ययावत माहिती

लोकमत न्यूज नेटवर्क

जळगाव : स्वस्त धान्य मिळावे यासाठी शासनाने गरजूंना शिधापत्रिका दिली असून, यामध्ये लाभार्थ्यांची विभागणी करण्यात आली आहे. विभागणीनुसार लाभार्थ्यांना अन्नधान्य तसेच इतर सुविधा मिळतात. मात्र अनेकवेळा लाभार्थी एका गावातून दुसऱ्या किंवा अन्य राज्यातही जातात. अशावेळी त्यांचे हाल होऊ नयेत, त्यांच्या हक्काचे धान्य, शिधापत्रिकेची अद्ययावत माहिती मिळावी यासाठी केंद्र सरकारने ‘वन नेशन - वन रेशन कार्ड’ ही योजना सुरू केली. या माध्यमातून कुठलीही व्यक्ती कोणत्याही ठिकाणाहून लाभ घेऊ शकणार आहे. लाभार्थ्यांना त्रास होऊ नये यासाठी आता ‘मेरा रेशन’ हे मोबाइल ॲपही विकसित केले आहे. त्यामुळे लाभार्थ्यांना प्रत्येक बाबीची माहिती होणार आहे.

या मिळणार सुविधा

लाभार्थ्यांना मिळणारे धान्य

जवळपास असलेली रास्त भाव दुकाने

शिधापत्रिकेवर उचल झालेल्या धान्याची माहिती

शिधापत्रिका पात्र आहे की अपात्र?

लाभार्थी करू करणार तक्रार

‘मेरा रेशन’ ॲपवर लाभार्थ्यांना प्रत्येक सुविधा उपलब्ध करून देण्यात आली आहे. या अंतर्गत रास्त भाव दुकानातून त्याला त्रास होत असेल, धान्य मिळत नसेल किंवा अन्य माहितीसाठी लाभार्थी आपली तक्रार तसेच अभिप्राय यावर नोंदवू शकणार आहेत.

जिल्ह्यातील लाभार्थी

एकूण शिधापत्रिकाधारक - १०,००६१३

अंत्योदय १,३३,४०८

प्राधान्य कुटुंब ४,७६,५२८

---------------_-

रेशन कार्डवर मिळणारे धान्य, जवळपास असलेले स्वस्त धान्य दुकान आदींची माहिती ‘ मेरा रेशन’ ॲपवर मिळेल. हे ॲप डाऊनलोड करून आपल्या शिधाकार्डवरील अद्ययावत माहिती जाणून घेता येईल.

- सुनील सूर्यवंशी, जिल्हा पुरवठा अधिकारी