अमळनेरच्या प्रताप महाविद्यालयाला ‘अ’ प्लस दर्जा बहाल

उमविअंतर्गत हा दर्जा प्राप्त करणारे प्रताप हे पहिलेच महाविद्यालय ठरले असून नॅक समितीकडून हा गौरव करण्यात आला आहे.

ठळक मुद्देअ प्लस दर्जा मिळाल्याने विद्यापीठावर अभिनंदनाचा वर्षावविद्यालयाला मिळणार वाढीव अनुदानजादा कोर्सेसनाही मिळणार मान्यता

लोकमत ऑनलाईन अमळनेर, दि.30 : प्रताप महाविद्यालयाला ‘नॅक’ समिती बंगळुरूने अ प्लस दर्जा प्रदान केला असून उत्तर महाराष्ट्र विद्यापीठातंर्गत हा दर्जा मिळवणारे ते पहिले महाविद्यालय ठरले आहे. महाविद्यालयाला गतवैभव प्राप्त झाले असून शैक्षणिक गुणवत्ता, संशोधन, शैक्षणिक साधने , विद्याथ्र्यांना पुरवल्या जाणा:या सुविधा आदींबाबत महाविद्यालय अग्रेसर ठरले आहे. याच मुद्यांवर आधारित नॅक समितीने 28 व 29 सप्टेंबर रोजी तिस:या फेरीच्या मूल्यांकनासाठी पाहणी केली होती . भारत सरकारच्या ‘नॅक’ या बंगळुरू स्थीत स्वायत्त संस्थेमार्फत महाविद्यालयांचे मूल्यांकन केले जाते. या समितीत ओरिसातील बेहरामपूर विद्यापीठाचे माजी कुलगुरू डॉ. बी . एस. साहू, थिरुअनंतपुरमच्या अकॅडमीक स्टाफ कॉलेजचे संचालक डॉ. सुधीर एस. व्ही. , बिहार येथील मुजफ्फरपूरच्या एम. एम. डी. कॉलेजच्या प्राचार्या डॉ. ममता राणी यांचा समावेश होता. समितीने प्रतापला 4 पैकी सीजीपीए 3.52 गुण दिल्याने प्रतापला ‘अ’ प्लस दर्जा प्रदान करण्यात आला आहे. त्यामुळे महाविद्यालयात आनंदाचे वातावरण पसरले आहे . या यशासाठी कार्याध्यक्ष गोविंद मुंदडा, विनोद पाटील , संचालक डॉ . बी. एस. पाटील, बजरंग अग्रवाल, डॉ संदेश गुजराथी, मोहन सातपुते, जोतेंद्र जैन, कल्याण पाटील, चिटणीस प्रा . पराग पाटील, प्राचार्या डॉ. ज्योती राणे, आयक्यूएसीचे समन्वयक डॉ. जयेश गुजराथी यांचे सहकार्य लाभले. या यशामुळे सर्वस्तरातून महाविद्यालयावर अभिनंदनाचा वर्षाव होत आहे. ‘अ ’ प्लस दर्जा मिळाल्याने विद्यापीठ अनुदान आयोगाकडून प्रतापला संशोधन व गुणवत्ता वाढीसाठी अधिक अनुदान मिळणार आहे . तसेच जादाच्या कोर्सेसला ही मान्यता मिळेल, त्यामुळे अनेक विद्याथ्र्यांची सोय होणार आहे.