पारोळ्यात माध्यमिक शिक्षक संघटना कोरोनाच्या मदतीला सरसावल्या

पारोळा कुटीर रुग्णालयासाठी प्रांताधिकारी यांनी कोरोनाबाधित रुग्णांना लोकसहभागातून मदतीसाठी केलेल्या आवाहनानुसार, ऑक्सिजन कॉन्सन्ट्रेटर व जनरेटर घेण्यासाठी मदत निधी जमा करावा, या दृष्टिकोनातून पारोळा तालुक्यातील माध्यमिक, उच्च माध्यमिक मुख्याध्यापक, शिक्षक, शिक्षकेतर कर्मचारी यांनी १ लाख १६ हजार रुपये मदत निधी जमा केला होता. या निधीतून कॉटेज हॉस्पिटलसाठी वीज गेल्यानंतर दाखल रुग्णांसाठी ऑक्सिजन नियमित सुरू राहावा, याकरिता इलेक्ट्रिक जनरेटरची आवश्यकता होती. ते जनरेटर या निधीतून घेण्यात येणार आहे. यासाठी याआधी किसान विद्या प्रसारक संस्थेकडून माजी मंत्री डॉ. सतीश पाटील यांनी १ लाख रुपयांची मदत केली आहे तर प्राथमिक शिक्षक संघटनेच्यावतीने गटशिक्षणाधिकारी कविता सुर्वे व विस्तार अधिकारी चंद्रकांत चौधरी यांच्या हस्ते १ लाखाच्या मदतीचा धनादेश तहसीलदार अनिल गवांदे यांच्याकडे सुपूर्द करण्यात आला आहे. या लोकसहभागातून जमा करण्यात आलेल्या या निधीतून जनरेटर बसवण्यात येणार आहे.

यावेळी जमा झालेल्या निधीचा धनादेश तहसीलदार अनिल गवांदे, वैद्यकीय अधिकारी डॉ. योगेश साळुंखे डॉ. मयूर पाटील यांच्याकडे गटशिक्षणाधिकारी कविता सुर्वे, विस्तार अधिकारी सी. एम. चौधरी, नगरसेवक पी. जी. पाटील यांच्या उपस्थितीत देण्यात आला.

यावेळी मुख्याध्यापक संघाचे अध्यक्ष विनोद माने, डॉ. शांताराम पाटील, नगरसेवक पी. जी. पाटील, मुख्याध्यापक कमलेश देवरे, माध्यमिक शिक्षक संघाचे तालुकाध्यक्ष आर. पी. पाटील, शिक्षक सेनेचे जिल्हाध्यक्ष नंदकुमार पाटील, भाजपा शिक्षक आघाडीचे जिल्हाध्यक्ष जितेंद्र चौधरी, शिक्षकेतर कर्मचारी संघटनेचे अध्यक्ष गोरख पाटील, कला शिक्षक संघाचे अध्यक्ष एस. जी. झडप, क्रीडा युवा शिक्षक महासंघाचे अध्यक्ष संदीप पवार, अनिल वाघ, विश्वास वाघ, डी. बी. पाटील, नितीन मराठे, एस. आर. पाटील, सी. एम. पाटील उपस्थित होते. सूत्रसंचालन व आभार टीडीएफचे तालुकाध्यक्ष सचिन पाटील यांनी केले.

===Photopath===

010621\01jal_9_01062021_12.jpg

===Caption===

पारोळ्यात माध्यमिक शिक्षक संघटना कोरोनाच्या मदतीला सरसावल्या