Jalgaon News | Latest Jalgaon News in Marathi | Jalgaon Local News Updates | ताज्यबातम्या जळगाव | जळगाव समाचार | Jalgaon Newspaper

जळगाव - उपमुख्यमंत्री एकनाथ शिंदे आज मुक्ताईनगर येथे होते. दौरा आटपून ते मुंबईसाठी रवाना होण्यासाठी विमानतळावर निघाले मात्र तिथे पोहचताच विमानाच्या पायलटने उड्डाण करण्यास नकार दिला. जळगाव विमानतळावर हा सगळा प्रकार घडला. जवळपास ४५ मिनिटे एकनाथ शिंदे यांना विमानतळावरच ताटकळत राहावे लागले. त्यानंतर पायलटची समजूत घालण्यात आली मग त्याने विमान उड्डाण करण्यास होकार दिला. ४५ मिनिटांच्या या हायव्हॉल्टेज ड्रामामुळे विमानतळावर सगळेच अवाक् झाले.नियोजित दौरा उरकून एकनाथ शिंदे जळगाव विमानतळावर पोहचले होते. त्याठिकाणी मंत्री गिरीश महाजन , मंत्री गुलाबराव पाटील हेदेखील त्यांच्यासोबत होते. यावेळी विमानाच्या पायलटने उड्डाण करण्यास नकार दिला. त्यामुळे काही काळ उपमुख्यमंत्री शिंदेपासून इतर मंत्र्यांची पंचाईत झाली. गिरीश महाजन आणि गुलाबराव पाटील यांनी पायलटची समजूत घालण्याचा प्रयत्न केला. तब्येतीच्या कारणास्तव पायलटने उड्डाण करण्यास नकार दिला. सलग १२ तास उड्डाण केल्यानं पायलटने विमान उडवण्यास नकार दिला.या प्रकारावर गिरीश महाजन म्हणाले की, पायलटनं प्रकृतीचं कारण दिले, तब्येतीशिवाय त्यांच्या काही वेळेचीही अडचण होती. तांत्रिक अडचणीमुळे आम्ही त्यांच्या विमान कंपनीशी बोललो. कंपनीने त्यांच्या भाषेत पायलटला सांगितले. विमान आता उडालेले आहे. एकनाथ शिंदे एका तासात मुंबईला पोहचतील असं त्यांनी म्हटलं. मात्र पायलटने विमान उड्डाण करण्यास नकार दिल्याने विमानतळावर नेत्यांचा गोंधळ उडाल्याचे चित्र दिसून आले.नेमकं काय घडलं?एकनाथ शिंदे यांच्या विमानाचा पायलट १२ तासांहून अधिक विमान चालवत होता त्यामुळे त्याला थकवा आला होता. तब्येतीचे कारण देत त्याने विमान उड्डाण करण्यास नकार दिला. त्यामुळे गिरीश महाजन, गुलाबराव पाटील यांनी त्याची समजूत काढली. त्यानंतर स्वत: एकनाथ शिंदे यांनीही पायलटची समजूत काढली. या प्रकारामुळे एकनाथ शिंदे यांच्यासह त्यांचा ताफा विमानतळावरच अडकला होता. विमानतळावरील वेटिंग रुममध्ये सगळे ताटकळत बसले होते. पायलटच्या तपासणीसाठी यावेळी डॉक्टरांनाही पाचारण करण्यात आले. त्यानंतर ४५ मिनिटांनी एकनाथ शिंदे यांना घेऊन विमान मुंबईसाठी रवाना झाले.

Jalgaon (Marathi News)

दशरथ याचा शालक समाधान हा बहिणीला भेटण्यासाठी कोंगानगर येथे आला होता. तोही मेहुण्यासोबत शेतात गेला होता ...

वीज पुरवठा १४ तासानंपेक्षाही जास्त काळ खंडित ...