तीन दुचाकी हस्तगत : चेचीस क्रमांकावरुन पटली दुचाकीची ओळख
{{#config.logo.enabled}}
{{/allowed}}जळगाव,दि.10- पोलिसांच्या रेकॉर्डवर असलेला अट्टल गुन्हेगार भूषण उर्फ जिगर रमेश बोंडारे (वय 22 रा.उमाळा, ता.जळगाव) याला कुसुंबा येथील घरफोडीच्या गुन्ह्यात पोलिसांनी ताब्यात घेतले असून त्या गुन्ह्याची चौकशी करीत असताना त्याने नांदगाव रेल्वे स्टेशनवरुन एक विना क्रमांकाची नवी दुचाकी चोरल्याचे उघड झाले. चेचीस क्रमांकावरुन या दुचाकीची ओळख पटली. नव्या व एकाच आकाराच्या दुचाकी चोरण्याची त्याला हौस आहे.
कुसुंबा येथील योगेश गजाननराव देशमुख (वय 31) यांच्या घरातून 6 जानेवारी रोजी 29 हजाराचा एलईडी टिव्ही व 12 हजार रुपये रोख असा मुद्देमाल चोरी गेला होता. ही चोरी जिगरने केली असल्याचा संशय असून एमआयडीसी पोलिसांनी त्याला त्या गुन्ह्यात ताब्यात घेतले आहे. न्यायालयाने त्याला 12 एप्रिलर्पयत पोलीस कोठडी सुनावली आहे.
जिगर याच्याकडून तीन नव्या दुचाकी जप्त करण्यात आल्या आहेत. त्यातील एक दुचाकी कुसुंबा येथील मेडीकल दुकान चालकाची आहे तर दुसरी भुसावळ येथील रेल्वे स्थानकाच्या पार्कीगमधून चोरी केली आहे. तिसरी दुचाकी ही नांदगाव येथील रेल्वे स्थानकाबाहेरुन चोरली आहे.