जळगाव जिल्ह्यातील धरणगाव तालुक्यातील बांभोरी गावासह परिसरात सुरू असलेल्या चोरट्या वाळू वाहतुकीविरोधात जळगाव जिल्हा पोलीस दलाने भल्या पहाटे मोठी कारवाई करत ‘सर्जिकल स्ट्राइक’ केली. पहाटे पाच वाजेपासून सुरू झालेल्या या धाडीत साधारण ५० ते ६० ट्रॅक्टर व डंपर जप्त करण्यात आले.
या कारवाईसाठी सुमारे दीडशे पोलिस अधिकारी व कर्मचाऱ्यांचा फौजफाटा बांभोरी येथे दाखल झाला होता. धरणगाव आणि जळगाव शहरातील सर्व पोलीस स्थानकांतील अधिकारी या मोहिमेत सहभागी झाले होते.
जप्त करण्यात आलेली वाहने पोलीस मुख्यालयात आणण्यात आली आहेत. विना नंबर तसेच मुदत संपलेल्या वाहनांवर आरटीओमार्फत कारवाई करण्यात येणार असल्याची माहिती पोलिसांनी दिली. पहाटेच झालेल्या या कारवाईमुळे वाळू माफियांमध्ये मोठी खळबळ उडाली असून, पुढील काही दिवस अशाच प्रकारे कारवाई सुरू राहणार असल्याचे पोलिसांनी स्पष्ट केले आहे.
Web Summary : Jalgaon police conducted a pre-dawn raid targeting illegal sand mining in Bambhori, seizing 50-60 tractors and dumpers. A large police force participated, and vehicles without proper documentation will face RTO action. The operation caused significant disruption among sand mafia.
Web Summary : जलगाँव पुलिस ने बांभोरी में अवैध रेत खनन पर तड़के छापा मारा, 50-60 ट्रैक्टर और डंपर जब्त किए। एक बड़ी पुलिस बल ने भाग लिया, और उचित दस्तावेज के बिना वाहनों पर आरटीओ कार्रवाई होगी। इस कार्रवाई से रेत माफिया में काफी खलबली मची है।