Jalgaon City Assembly-Vidhan Sabha Election 2024 Result Live : जळगाव : विधानसभा निवडणूकीच्या जळगाव शहर मतदार संघातील भारतीय जनता पार्टीचे सुरेश भोळे यांचा विजय झाला असून त्यांनी विजयाची हॅट्रीक साधली आहे. या विजयाचा जल्लोष भाजपच्या कार्यालयाबाहेर तसेच त्यांच्या घरी व भाजपच्या पदाधिकारी व कार्यर्त्यांची घरी गुलाल उधळून व ढोल ताशे व डिजे लावून केला जात आहे.
जळगाव शहर मतदार संघात भाजपचे उमेदवार सुरेश भोळे यांनी चांगलीच मताधिक्य मिळवले असून सुमारे ७० हजाराचा मत्ताधिक्यांनी भोळे हे आघाडीवर आहे. त्यामुळे कार्यकर्त्यांकडून जल्लोषाला सुरवात झाली असून सर्वत्र गुलालाची उधळण, डिजे व ढोल ताशांचा गजरात कार्यकर्त्यांनी जल्लोष सुरू केला आहे.
भाजप कार्यालाबाहेर जल्लोषशहरातील शिवतीर्थ मैदानावर भाजपच्या कार्यालयाबाहेर विजयी जल्लोषाला सुरवात झाली आहे. येथे सुरेश भोळे यांचे अभिनंदन करण्यासाठी महायुतीचे व भाजपचे पदाधिकारी व कार्यकर्ते यांची गर्दी झाली असून कार्यालयाबाहेर गुलालाची उधळण व फटाक्यांची आतषबाजी केली जात आहे.
गुलालाची उधळणभाजप कार्यालयाबाहेर कार्यकर्त्यांकडून डिजे लावून फुलांची तसेच ट्रॅक्टर भरूण आणलेल्या गुलालाची उधळण केली जात आहे. तर सुरेश भोळे यांच्या घराच्या बाहेर ढोल ताशाच्या गजरात कार्यकर्ते व समर्थाकडून गुलालाची उधळण केली जात आहे. तर पिंप्राळासह शहरातील अनेक भागात सुरेश भोळे यांचे कार्यकर्त्यांकडून विविध भागात जल्लोष केला जात आहे.