छत्रपती शाहू महाराज यांना जीएमसीत अभिवादान

भंगार बाजाराने वाहतूक कोंडी

जळगाव : शासकीय वैद्यकीय महाविद्यालय व रुग्णालयासमोर भंगार बाजारामुळे झालेल्या गर्दीमुळे या रस्त्यावर शनिवारी दुपारच्या सुमारास वाहतुकीची मोठी कोंडी झाली होती. हा रस्ताही वर्दळीचा रस्ता असून रस्त्याच्या अगदीच बाजूला दुकाने लागल्याने हा अडथळा निर्माण झाला होता. दरम्यान, शासकीय वैद्यकीय महाविद्यालयात येणाऱ्या वाहनांनाही यामुळे अडथळे निर्माण झाले होते.

१७ मजलीची ट्रॉफी

जळगाव : काँग्रेसचे प्रदेशाध्यक्ष नाना पटोले यांना काँग्रेस सेवा दलाकडून यंग ब्रिगेड महानगर प्रमुख गोकूळ चव्हाण यांनी १७ मजली महापालिकेच्या इमारतीची ट्रॉफी भेट दिली. यावर काँग्रेस २०२३ मध्ये महापौरपदात किंग मेकर असेल असा उल्लेख करण्यात आला आहे. यावेळी काँग्रेसचे पदाधिकारी उपस्थित होते. नुकताच नाना पटोले यांचा दौरा झाला असून त्यावेळी ही भेट देण्यात आली.

उपोषणाचा तिसरा दिवस

जळगाव : शिवाजीनगर पुलाचे काम लवकर पूर्ण करावे, भारतरत्न डॉ. बाबासाहेब आंबेडकर यांच्या पुतळ्याभोवती सुशोभीकरण करावे, या मागणीसाठी राष्ट्रीय दलित पँथरचे संस्थापक नानासाहेब भालेराव यांनी उपोषण पुकारले आहे. त्यांचा उपोषणाचा शनिवारी तिसरा दिवस होता.