एक हात मदतीचा या उपक्रमाद्वारे श्री श्री रविशंकर यांच्या प्रेरणेने चंद्रकांत राठी व शेखर मुंदडा यांच्या विशेष सहकार्याने मुक्ताईनगर परिसरातील सेवेकऱ्यांना मोठ्या प्रमाणात शिधा वाटप करण्यात आला . यापूर्वी महा एनजीओ संस्थेने पंढरपूरसमवेत आळंदी, कोल्हापूर, सातारा, सोलापूर, पुणे, जालना, सांगली अशा विविध ठिकाणी असणाऱ्या देवस्थानच्या हजारो सेवेकरी वर्गास व कीर्तनकारांना मदत करण्याच्या हेतूने हा उपक्रम सुरू केला आहे . आजपावेतो संपूर्ण महाराष्ट्रभर साडेतीन लक्ष लाभार्थी महा एनजीओ फेडरेशनच्या उपक्रमांचे आहेत. या कार्यक्रमास जळगाव जिल्ह्यातील अनेक कीर्तनकार व सेवेकरी उपस्थित होते, अशी माहिती संस्थेचे संचालक व प्रकल्प प्रमुख अक्षयमहाराज भोसले यांनी दिली.
वारकरी व सेवेकऱ्यांना जीवनावश्यक वस्तू वाटप करताना रवींद्र पाटील. सोबत अक्षय महाराज भोसले, उद्धव जुनारे, रवींद्र हरणे आदी. (छाया : विनायक वाडेकर)