जळगाव : सिंधी बांधवांनी नववर्षाचा पहिला दिवस म्हणजेच चेट्रीचंड साधेपणाने उत्साहात साजरा करण्यात आला. यावेळी माजी आमदार डॉ.गुरूमुख जगवाणी यांनी झुलेलाल मंदिरात पूजा केली. सिंधी बांधवांना चेट्रीचंडच्या शुभेच्छा दिल्या.
दरवर्षी सिंधी बांधव एकत्र येऊन उत्साहात हा सण साजरा करतात. मात्र, यंदा कोरोना असल्याने सिंधी बांधवांनी एकत्र न येता, घरीच राहून साधेपणाने चेट्रीचंड सण साजरा केला. यावेळी सकाळी सिंधी कॉलनी परिसरातील झुलेलाल मंदिरात पूजा केली. यावेळी डॉ.गुरूमुख जगवाणी, लक्ष्मण अडवाणी, रितू रायसिंगानी, राजेश जवाहरानी आणि इतर उपस्थित होते. यावेळी झुलेलाल यांच्या प्रतिमेला पुष्पहार अर्पण करण्यात आला. मंदिरात करण्यात आलेल्या पूजेच्या प्रसंगी मोजकेच मान्यवर उपस्थित होते. त्यानंतर, सिंधी बांधवांनी एकमेकांना शुभेच्छा देत, सण उत्साहात साजरा केला.