जळगावमधून एक मोठी बातमी समोर येत आहे, राष्ट्रवादी काँग्रेस (शरदचंद्र पवार) पक्षाचे नेते तथा विधानपरिषदेचे आमदार एकनाथ खडसे यांच्याविरोधात जळगाव जिल्ह्यातील सावदा पोलीस ठाण्यात गुन्हा दाखल करण्यात आला आहे. पोलीस अधिकाऱ्यासह मंत्र्यांना शिवीगाळ करत, दमदाटी केल्या प्रकरणी त्यांच्यावर हा गुन्हा दाखल करण्यात आला. ते तासखेड येतील गौण खनिज चोरी प्रकरणात संबंधित पोलीस ठाण्यात पोलिसांना जाब विचारण्यासाठी आले होते. यावेळी त्यांनी पोलिसांना शिविगाळ करत दमदाटी केल्याचा आरोप आहे.
सहाय्यक पोलीस निरीक्षक विशाल पाटील यांनी खडसे यांच्या विरोधात फिर्याद दिली असून, त्यांच्या विरोधात सावदा पोलीस ठाण्यात भारतीय न्याय संहिता (BNS) कलम 296, 221,351(2) आदी कलमान्वये गुन्हा दाखल करण्यात आला आहे. या घटनेमुळे राजकीय वर्तुळात खळबळ उडाली आहे.
नेमकं काय घडलं? -संबंधित फिर्यादीनुसार, तासखेडा गौण खनीज चोरी प्रकरणाच्या तपासासंदर्भात माहिती घेण्यासाठी एकनाथ खडसे बुधवारी दुपारी साडेबारा वाजण्याच्या सुमारास सावदा पोलीस ठाण्यात पोहोचले होते. यावेळी त्यांनी, तुम्ही तासखेडा येथील गौण खनीज संदर्भात गुन्हा दाखल केला नाही? तुम्ही त्यात कोट्यवधी रुपये खाल्ले आहेत, असा आरोप पाटील यांच्यावर केला. यावर आपण त्यांना संबंधित प्रकरणात गुन्हा दाखल असल्याचे सांगत एफआयआर नंबरही सांगितल्याचे पाटील यांनी सांगितले.
फिर्यादीनुसार, नंतर, खडसे यांनी पाटील यांना गुन्ह्याची कागदपत्रे मागीतली. मात्र, गुन्ह्याचा तपास सुरू असल्याने ती देता येणार नाही, तपास पूर्ण झाल्यानंतर, न्यायालयातून आपल्याला कादपत्रे प्राप्त करता येतील, असे पाटील यांनी खडसे यांना सांगितले. यावर खडसे यांनी शिविगाळ केल्याचे आणि दमदाटी केल्याचे, संबंधित फिर्यादीत म्हणण्यात आले आहे.
काय म्हणाले खडसे? -यासंपूर्ण प्रकरणावर आता खडसे यांचीही प्रतिक्रिया आली आहे. यात ते म्हणाले, "साधारणपणे अडीच महिन्यांपूर्वी ४०-५० हजार ब्रास मुरूम चोरीला गेल्याची तक्रर एका व्यक्तीने केली होती. त्याचे पुरावेही त्याने दिले होते. यावर हा रेव्हेन्यू विभागाचा भाग असल्याचे म्हणत पीएसआयने तक्रारघेण्यास नकार दिला होता. यासंदर्भात मी विधान परिषदेत डिसेंबर महिन्यात प्रश्न विचारला होता. तो पीएसआयच्या जिव्हारी लागला. एरीगेशन वाल्यांनही तक्रार दिली. यावर एफआयआर करायला टाळाटाळ केली. नंतर एफआयआप केल्यानंतर, आज अडीच महिने झाले, यासंदर्भात मी माहिती घेण्यासाठी गेलो होतो. मी म्हणालो एवढा वेळ का लागतोय? तो म्हणाला, माला वाटेल तिथपर्यंत मी चौकशी करेल. माझ्यावर काय बंधन आहे की तुमचे. रेव्हेन्यू डिपार्टमेंट वाल्यांनी पैसे खाल्ले. यावर माझ्याकडू काही अपशब्द बोलला गेला. यानंतर मी त्याला माफीही मागितली.
यानंतर, सर्व दोन नंबरचे धंदे आहेत पत्याचे क्लब आहेत, दारूचे अड्डे आहे, यांवर कारवाई करायला तुम्हाला वेळ नाही. शेवटचा शब्द आहे, तुम्हा हाप्ते बिप्ते घेता, यामुळे अंटी करप्शनकडे जावे लागेल आणि कारवाई करावी लागेल. यांनी गुन्हा दाखल केला, करू द्या. लडायचे कायदेशीर. मी पोलीस प्राधिकरण आणि डीसीई आणि इतर वरिष्ठ अधिकाऱ्यांकडे तक्रार करणार आहे. असे खडसे यांनी म्हटे आहे.
Web Summary : NCP leader Eknath Khadse faces charges for allegedly abusing and threatening police officers in Savda, Jalgaon, during an inquiry about illegal mining. A police complaint has been filed against him, sparking political controversy.
Web Summary : राकांपा नेता एकनाथ खडसे पर जलगाँव के सावदा में अवैध खनन की पूछताछ के दौरान पुलिस अधिकारियों को कथित रूप से गाली देने और धमकाने के आरोप लगे हैं। उनके खिलाफ पुलिस शिकायत दर्ज, राजनीतिक विवाद।