जळगाव : विर राम एंटरप्राईजेस समोर लावलेल्या ट्रकची चोरी प्रकरणी आणखी एका संशयिताला पकडण्यात एमआयडीसी पोलिसांना यश आहे. मौसनी उर्फ गजनी सुभान खान (२४,रा.मास्टर कॉलनी) असे अटक केलेल्या संशयिताचे नाव आहे.
सुप्रिम कॉलनी भागातील विर राम एंटरप्राईजेस समोर उभा असलेला एमएच.१९.जे.३३२३ क्रमांकाचा ट्रक अज्ञात चोरट्यांनी १ मार्चच्या मध्यरात्री चोरून नेला होता. याप्रकरणी २ मार्च रोजी एमआयडीसी पोलीस ठाण्यात अज्ञात चोरट्यांविरूध्द गुन्हा दाखल करण्यात आला होता. या ट्रक चोरीच्या प्रकरणात आतापर्यंत एमआयडीसी पोलिसांनी शेज अजीम शेख वहाब, इरफान खान हैदरखान, रहिम शहा मोहम्मद शहा यांना अटक करण्यात आली आहे. सध्या हे तिघे न्यायालयीन कोठडीत आहेत. दरम्यान, गुरूवारी एमआयडीसी पोलीस ठाण्यात पोलीस कर्मचारी सचिन मुढे, इमरान सैय्यद, गोविंदा पाटील, मुद्दसर काझी, योगेश बारी यांनी चौथा संशयित मौसनी उर्फ गजनी सुभान खान याला शहरातून अटक केली आहे. त्यास शुक्रवारी न्यायालयात हजर केले असता, १८ पर्यंत पोलीस कोठडी सुनावण्यात आली आहे. या प्रकरणातील संशयित सबदल मलतानी हा अद्याप फरार असून त्याचा पोलीस शोध घेत आहेत.