टरबूज उत्पादक चिंतीत

महसूलच्या अधिकारी, कर्मचाऱ्यांचे लसीकरण

अंबड : कोरोना लसीकरण मोहिमेत तालुक्यातील महसूल अधिकारी, कर्मचाऱ्यांच्या लसीकरणास मत्स्योदरी विद्यालयातील केंद्रावर प्रारंभ करण्यात आला आहे. यावेळी तहसीलदार विद्याचरण कडवकर, वैद्यकीय अधीक्षक डॉ. राजेंद्र तलवाडकर, तालुका वैद्यकीय अधिकारी डॉ. विलास रोडे, नायब तहसीलदार बाबुराव चंडोल, भागवत देशमुख आदींची उपस्थिती होती.

महा-रेशीम अभियानास पालकमंत्र्यांच्या हस्ते प्रारंभ

हसनाबाद : जालना : शेतकऱ्यांच्या जनजागृतीसाठी जिल्ह्यात फिरविण्यात येणाऱ्या महा- रेशीम रथाचे उद्घाटन सोमवारी पालकमंत्री राजेश टोपे यांच्या हस्ते करण्यात आले. कर्मयोगी अंकुशराव टोपे समर्थ सहकारी साखर कारखाना, अंकुशनगर येथे आयोजित कार्यक्रमात टोपे यांनी उपस्थितांना मार्गदर्शन केले. यावेळी प्रादेशिक रेशीम कार्यालयाचे उपसंचालक डी. ए. हाके, रेशीम विकास अधिकारी अजय मोहिते, व्ही. आर. कोलाल, सुनील काळे, नामदेव मुंडे, शिवाजी जायभाय आदींची उपस्थिती होती.

सातोना येथे माता रमाई यांना अभिवादन

सातोना : परतूर तालुक्यातील सातोना येथे माता रमाई आंबेडकर यांची जयंती साजरी करण्यात आली. यावेळी मान्यवरांच्या हस्ते प्रतिमा पूजन करून अभिवादन करण्यात आले. ऋतुजा इंगळे, इशानी खरात या विद्यार्थिनींनी गीत सादर केले. कार्यक्रमास विलास आकात, विलास पाटील, राजू मगर, प्रभाकर कांबळे, लक्ष्मण वाहूळ, विकास खरात, तुकाराम खरात, अंकुश खरात यांच्यासह ग्रामस्थ उपस्थित होते.

वीजपुरवठा विस्कळीत; शेतकऱ्यांची गैरसोय

भोकरदन : सध्या ढगाळ वातावरणामुळे रब्बीतील पिके धोक्यात आली आहेत. त्यात विजेअभावी शेतातील पिकांना पाणी देतानाही शेतकऱ्यांना कसरत करावी लागते. वीजपुरवठा सतत खंडित होत असल्याने अधिकची गैरसोय होत आहे. रात्रीच्या वेळीही सुरळीत वीजपुरवठा होत नसल्याने संताप व्यक्त होत असून, सुरळीत वीजपुरवठ्याची मागणी होत आहे.