अध्यक्षपदी उगले तर उपाध्यक्षपदी घाटगे

परतूर येथे भाजपचा कार्यकर्ता मेळावा

परतूर : भाजपच्या वतीने आमदार बबनराव लोणीकर यांच्या उपस्थितीत बूथ मेळावा घेण्यात आला. यावेळी लोणीकर यांनी मार्गदर्शन केले. मेळाव्यास जिल्हा प्रभारी मिलिंद पाटील, युवा मोर्चाचे प्रदेश महामंत्री राहुल लोणीकर, जिल्हा उपाध्यक्ष गणेश खवणे, ज्ञानेश्वर शेजूळ, तालुकाध्यक्ष रमेश भापकर, सतीश निर्वळ, प्रकाश टकले आदींची उपस्थिती होती.

कांदा पिकावर रोगराईचा प्रादुर्भाव

मंठा : तालुक्यात यंदा रब्बी हंगामातील पिके जोमात आली आहेत. परंतु, बदलत्या वातावरणामुळे पिकांवर रोगराईचा प्रादुर्भाव झाला आहे. कांदा पिकावरही रोगराई पसरत आहे. ही रोगराई कमी व्हावी, यासाठी शेतकरी महागडी औषधे फवारणी करीत आहेत. कृषी विभागातील अधिकाऱ्यांनी शेतकऱ्यांना मार्गदर्शन करावे, अशी मागणी होत आहे.

विस्कळीत सेवेेमुळे मोबाईलधारक त्रस्त

घनसावंगी : शहरासह ग्रामीण भागातील बीएसएनएलची सेवा पूर्णत: विस्कळीत झाली आहे. त्यामुळे मोबाईल धारकांना एकमेकांना संपर्क साधण्यात अडचणी येत असून, इंटरनेट सेवाही वापरताना गैरसोयीचा सामना करावा लागत आहे.

अवैध दारूविक्रेत्यांवर कारवाईची मागणी

जालना : शहरासह ग्रामीण भागात अवैध दारूविक्री मोठ्या प्रमाणात सुरू आहे. भांडण तंट्यात वाढ होत असून, कायदा- सुव्यवस्थेचा प्रश्न निर्माण होत आहे. त्यामुळे अवैध दारूविक्री करणाऱ्यांवर कारवाईची मागणी होत आहे.