लोकमत न्यूज नेटवर्कभोकरदन : भरधाव आयशरने दुचाकी स्वाराला चिरडल्याने दुचाकीस्वाराचा जागीच मृत्यू झाला. ही घटना शनिवारी संध्याकाळी सहा वाजेच्या दरम्यान जालना रोडवर घडली.या अपघातात प्रभाकर बंडू वाकेकर (वय ३५ रा. बरंजळा लोखंडे) हे जागीच ठार झाले. वाकेकर हे एमएच. २१.ए.एम. ३०३५. या दुचाकीवरून भोकरदनहून जालन्याकडे जात असताना विरूध्द दिशेने येणाऱ्या भरधाव वेगाने येणाºया आयशरने दुचाकीला समोरासमोर जोरदार धडक दिली.या अपघातात वाकेकर हे जागीच ठार झाले. घटनेची माहिती मिळताच पोलिसांनी घटनास्थळी धाव घेऊन पंचनामा केला. पोलीस येईपर्यंत आयशर चालक फरार झाला. दरम्यान शनिवारी आठवडी बाजारचा दीवस असल्याने बाजार आटोपून वाकेकर हे दुचाकीने जालना रोडने बरंजळा गावाकडे जात असताना हा अपघात झाला. वाकेकर यांच्या पश्चात तीन मुले, पत्नी, भाऊ, बहीण असा मोठा परिवार आहे पोलिसांनी घटनेची नोंद केली घेतली आहे.
दुचाकीस्वाराला ट्रकने चिरडले
By लोकमत न्यूज नेटवर्क | Updated: May 12, 2019 00:44 IST