कर्मचाऱ्यांचा सत्कार

शेतकऱ्यांची गैरसोय

भोकरदन : तालुक्याच्या ग्रामीण भागातील वीजपुरवठा सतत खंडित होत आहे. खंडित वीजपुरवठ्यामुळे पिकांना पाणी देण्यासह इतर कामावर परिणाम होत आहे. त्यामुळे सुरळीत वीजपुरवठा करावा, अशी मागणी शेतकरी करीत आहेत.

रस्त्यांची दुरवस्था

परतूर : शहरांतर्गत रस्त्यांची दुरवस्था झाली आहे. खराब रस्त्यांमुळे वाहन चालकांना कसरत करीत वाहने चालवावी लागत असून, अपघाताचा धोका वाढला आहे. शहरांतर्गत खराब रस्त्यांच्या दुरुस्तीची मागणी होत आहे.

कारवाईची मागणी

जाफराबाद : शहरासह ग्रामीण भागात अवैधरित्या दारूविक्री जोमात सुरू आहे. तळीरामांमुळे कायदा-सुव्यवस्थेचा प्रश्न निर्माण होत असून, भांडण तंट्यात वाढ होत आहे. त्यामुळे दारूविक्रेत्यांवर कारवाई करण्याची मागणी होत आहे.

वाहुळेंचे उपोषण मागे

जालना : काशिनाथ पुंजाराम वाहुळे यांनी जामवाडी येथील फेरफार प्रकरणात उपोषण सुरू केले होते. तहसीलदार यांनी दिलेल्या लेखी आश्वासनानंतर त्यांनी उपोषण मागे घेतले.