राजूर : आरटीएसई परीक्षेत राजूर केंद्रीय प्राथमिक शाळेचा विद्यार्थी संकेत भास्कर पुंगळे याने राज्यात प्रथम क्रमांक पटकावला. पुंगळे याच्यासह अन्य विद्यार्थ्यांनीही यश मिळवले असून, त्यांचा सत्कार करण्यात आला.
या परीक्षेत दिव्या श्याम सावंत हिने जिल्ह्यात प्रथम क्रमांक मिळवला आहे. प्रतीक्षा विठ्ठल पुंगळे, माधुरी अनिल पुंगळे यांनी जिल्हा स्तरावर यश मिळवले आहे. राजूर शाळेला कर्मवीर भाऊराव पाटील उत्कृष्ट विद्यालयाचा पुरस्कार मिळाला आहे. सर्व शिक्षा अभियानांतर्गत राणी संजय मोहिते या विद्यार्थिनीला मोफत सायकलचे वाटप करण्यात आले. सर्व यशस्वी विद्यार्थ्यांचा सरपंच भाऊसाहेब भुजंग, शालेय समितीचे अध्यक्ष अनिल पुंगळे यांच्या हस्ते सत्कार करण्यात आला. यावेळी व्यापारी संघटनेचे अध्यक्ष विष्णू टोम्पे, केंद्रप्रमुख रमेश पुंगळे, मुख्याध्यापक एकनाथ बाहेकर, वल्लभ गाढे, संतोष दारूवाले, डी. एस. सोनवणे, भिंगोले यांच्यासह शिक्षक व विद्यार्थी उपस्थित होते.
फोटो कॅप्शन : राजूर केंद्रीय प्राथमिक शाळेतील यशस्वी विद्यार्थ्यांचा सत्कार सरपंच भाऊसाहेब भुजंग, अनिल पुंगळे, रमेश पुंगळे यांच्या हस्ते करण्यात आला.
फोटो